Video
Read full review
2010-08-31
9 views
去Elements 咁多次，我們都沒有來試過這裡，人龍店嘛，所以都好難會排咁長隊會試．今次放假，買了２：４０pm戲飛，本想到利苑飲茶，點之到利苑時約1:15pm，那些只對熟客熱情的receptionists, 望也不望下我們就叫我們1:30pm再來，好呀，我們頭也不回，直去夏麵館．都要等約十分鍾，不過都好過受人冷淡對待．入坐了一張四人小圓檯，好呀．餐牌和皇室堡那間有不同，無所謂喇，照點了我們二人的 favourites. 我們點了小籠包，排骨湯麵，酸辣海蜇，燻魚，紅油抄手等共五款食品．燻魚，呢度唔似鼎泰豐或金滿庭咁用倉魚黎做，呢度用鯇魚．一碟有五六塊，都唔算細塊，甜甜地都幾好味道．不過鯇魚比較多骨，但係肉質就滑點，所以和用倉魚黎做就各有千秋啦．排骨湯麵，上海的排骨並不是廣東人的排骨，上海的排骨是豬扒，一般都是用蛋漿腌過後炸一炸然後切件，與湯麵分開上，呢度的亦然，因為夏麵館主打的是麵，本著對它的麵的期望，可惜呢碗麵令我失望了．它太硬了，沒有一般拉麵的彈牙．豬扒也是一般而已．酸辣海蜇，來的是一小碟，＄４８一碟，係呢ｄ小館來說算幾貴，可能海蜇來貨貴呢．呢度的海蜇是絲來的，配上冷酸辣汁，非常醒
都要等約十分鍾，不過都好過受人冷淡對待．入坐了一張四人小圓檯，好呀．餐牌和皇室堡那間有不同，無所謂喇，照點了我們二人的 favourites. 我們點了小籠包，排骨湯麵，酸辣海蜇，燻魚，紅油抄手等共五款食品．
燻魚，呢度唔似鼎泰豐或金滿庭咁用倉魚黎做，呢度用鯇魚．一碟有五六塊，都唔算細塊，甜甜地都幾好味道．不過鯇魚比較多骨，但係肉質就滑點，所以和用倉魚黎做就各有千秋啦．
排骨湯麵，上海的排骨並不是廣東人的排骨，上海的排骨是豬扒，一般都是用蛋漿腌過後炸一炸然後切件，與湯麵分開上，呢度的亦然，因為夏麵館主打的是麵，本著對它的麵的期望，可惜呢碗麵令我失望了．它太硬了，沒有一般拉麵的彈牙．豬扒也是一般而已．
酸辣海蜇，來的是一小碟，＄４８一碟，係呢ｄ小館來說算幾貴，可能海蜇來貨貴呢．呢度的海蜇是絲來的，配上冷酸辣汁，非常醒胃，好味道．隔離檯見我們食得津津有味，都不忙點了一碟來試下呀．
小籠包，一籠四隻，幾好呀，份量剛好，ｄ皮好薄呀，我兩次夾都穿了，湯本來好多可惜我夾穿了，就浪費了．小籠包內的肉都好鮮味．
紅油抄手，呢樣是我倆的 favourites dish. 從翡翠拉麵小籠包及鍾菜的紅油抄手，都做得出色．其實呢樣菜式能做得好，取決於兩個重點，一，個雲吞皮要超薄，二，個肉餡要滑而無渣，咁就好吸引了．另外如果能夠一煮起就上碟，就更加好．它的醬汁反而吳係最重要．呢度的紅油抄手都吳錯，個雲吞皮都夠超薄所以入口都好滑，不過肉餡就較肥，所以有口福但係就吳係咁健康．
總的來說，呢間店所以成為長龍店都有它確實的實力．有日睇雜誌，講及這間和其他同名的店是有分別的，在於這間是特許店，其他是上海的直營店．我兩間都試過，可以說，這間特許店比直營店更好味呢！
Post