夏麵館 (寶石大廈) (Closed)

天氣開始涼涼地，又到左食蟹嘅季節。夏麵館嘅上海菜款式多而且價錢唔貴，所以周不時都會嚟食。今次最主要就係想食佢嘅蟹粉系列菜式。自選涼菜五小碟$115有九款涼菜可以選擇，我就揀咗拍青瓜、雞絲粉皮、鎮江水晶肉、四喜烤夫同埋美味海蜇。五款各有特色，充滿上海風味～蟹粉豆腐煲$98由濃郁嘅蟹粉湯汁包圍住嫩滑嘅豆腐，蟹粉入邊仲有啲薑辟走腥味，呢道菜式用嚟送白飯一流。蟹粉小籠包$70皮唔算好薄，但咬落有湯汁流出，肉餡入邊收埋粒粒蟹黃，味道鮮甜。上海醬鴨$60係一個涼菜，醬汁好多偏甜嘅，鴨髀啖啖肉，肉質唔會乾。依家11道菜矜貴蟹粉宴於網上訂購，可享限時優惠 買一送一 !