今日成30幾度，熱到真係冇乜胃口，但係又要同老婆出街食飯，冇乜選擇之下當然揀比較醒胃嘅泰國嘢。
首先個環境好有泰國情調，坐落去都開胃啲，仲有都成八點幾仲咁Q多人，睇嚟間嘢都應該有返咁上下質素。
豬肉沙嗲串燒（$19）
$19 既燒豬肉,啲肉質夠晒實，豬肉味濃，而且燒得好香。
泰式燒羊架（$91）
羊架超正，燒得香香的，而且羊肉味好重，又唔會太過鬚，再加埋表面有啲黑椒，成件事對味蕾有很大的衝擊😋
泰式馬拉盞炒通菜（$81）
鹹鹹香香的味道最適合我而家的心情，非常開胃，而且廚師煮得好有鑊氣👍🏻
泰式鮮蝦炒金邊粉（$79）
你都泰國餐廳點可以唔食pad Thai，呢個個賣相好鬼靚有3支蔥動喺度😂味道亦都層次豐富，酸酸地而且炒得非常乾身。
泰式鐵板蠔餅（$111）
泰式的做法令到蠔餅冇咁膩，而且又保持蠔餅嘅香脆，再加埋側邊嘅泰式辣醬簡直一啲都唔油膩呀
泰式原味烤薄餅（$32）
個薄餅好香麥味而且仲帶少少香甜👍🏻
泰啤大支裝（$34）
夏日炎炎食泰國嘢當然要配返支啤酒啦泰啤俾一般啤酒更加清涼簡直係爽呀
