小欖燒烤樂園 (Closed)

母親係新潮婆婆，仲係好識做嘅媽媽，母親節正日叫我陪奶奶，所以提早同你做母親節！天氣清涼舒服，今次揀咗小欖燒烤樂園，一個啱晒全家大細嘅好地方！適逢有會員優惠，加上夏日特價，真係非常之抵！兩個小童未夠高唔使俾錢，大人都只係108。入場費包一支飲品同一罐汽水，之後任飲任食。入會費用全免，計埋比平時差不多半價，今期改了兒童新玩兒，冇咗吹氣滑梯，改咗成為小型賽車場！阿仔見到即刻癲唒！不過唔記得幾錢，係婆婆爭住買飛比佢地玩！燒烤食物質素相當高，最好食燒雞翼同香茅豬扒，仲有牛仔粒都係非常好味！公公話街市牛肉貴，所以不停燒牛仔粒同牛排！佢比其他BBQ場好好多，因為有蔬菜、車厘茄及兩款麵包供應，蜜糖、泰式酸辣汁、醬料免費提供。一家十口由中午又玩又食，直至八點幾先走，場內有籃球場、大空地、飛鏢、釣假金魚，玩樂設施足夠，真係諗唔到另一個平靚正啱全家玩足一天嘅地方！