Pickabowl (D2 Place ONE)

Open Now

Now Closed

呢間嘢最好係佢會有推介配搭同埋自選配搭。推介配搭啱晒選擇困難症嘅朋友，而自選配搭就可以揀晒你鍾意食嘅嘢💕今次揀咗蒜辣八爪魚🐙加經典三文魚🐟和風白飯。蒜辣八爪魚🐙好重蒜蓉味，亦會有蒜蓉粒。而且好明顯見到好多辣油，即時撈白飯都會越食越辣🤯平時食開譚仔二小辣都覺得好辣🥴經典三文魚🐟落咗好好香嘅麻油味，而且三文魚亦都新鮮，真係會食唔停口😋配菜： 和風入邊有大量四季豆，番茄同埋菠蘿粒🍅我鍾意佢呢個魚生份量都幾多下，反而飯唔算多，即刻覺得抵食咗😝另外，亦都會有蔬菜同埋可以揀健康穀物，令到成個飯好似相對平衡同埋健康。