Video
Read full review
2024-01-17
670 views
星期五放工去咗北角匯買啲嘢，食埋飯先返屋企。呢間日式鐵板牛好吸引，標榜係即叫即秤，好均真，仲要有我好鍾意嘅壽喜燒，即刻拉咗老公入去食。壽喜燒方面有幾款肉可以揀，我哋就揀咗最靚嘅日本和牛（$168)。份量都幾足，應該有十塊和牛左右。和牛油香幾濃郁，牛尾好香，雖然未去到入口即溶，但係呢個價錢質素已經好好，性價比好高。壽喜燒汁好好味，配料有金菇、冬菇、娃娃菜、豆腐卜、烏冬，用濃郁嘅牛肉壽喜燒汁煮，吸晒啲湯汁，好好味。我哋追加左章魚餅（$12)，軟腍得來帶啲爽口，仲有啲酸薑嘅小粒喺中間，味道好好。我哋再揀咗封門柳牛扒套餐，$118/200g，order完之後店員會喺喺客人面前量重量，即刻切肉，絕對均真。牛扒已經預先燒左三成熟，可以按自己喜好喺鐵板上面燒食自己鍾意嘅熟度，我就鍾意五成至七成熟，牛肉有咬口得來唔會有渣，唔韌。食嘅時候灑上粉紅岩鹽提升牛肉味道，再加入我哋揀嘅洋蔥配料，沾上柚子燒汁，加埋七味粉好好食。我哋加咗$30升級套餐，配有沙律、飲品、同埋再加$15升級嘅三文魚子溫泉蛋木魚絲海苔飯。呢個就咁食已經好好味，配埋燒牛扒一齊食更加正。
壽喜燒方面有幾款肉可以揀，我哋就揀咗最靚嘅日本和牛（$168)。份量都幾足，應該有十塊和牛左右。和牛油香幾濃郁，牛尾好香，雖然未去到入口即溶，但係呢個價錢質素已經好好，性價比好高。壽喜燒汁好好味，配料有金菇、冬菇、娃娃菜、豆腐卜、烏冬，用濃郁嘅牛肉壽喜燒汁煮，吸晒啲湯汁，好好味。我哋追加左章魚餅（$12)，軟腍得來帶啲爽口，仲有啲酸薑嘅小粒喺中間，味道好好。
我哋再揀咗封門柳牛扒套餐，$118/200g，order完之後店員會喺喺客人面前量重量，即刻切肉，絕對均真。牛扒已經預先燒左三成熟，可以按自己喜好喺鐵板上面燒食自己鍾意嘅熟度，我就鍾意五成至七成熟，牛肉有咬口得來唔會有渣，唔韌。食嘅時候灑上粉紅岩鹽提升牛肉味道，再加入我哋揀嘅洋蔥配料，沾上柚子燒汁，加埋七味粉好好食。
我哋加咗$30升級套餐，配有沙律、飲品、同埋再加$15升級嘅三文魚子溫泉蛋木魚絲海苔飯。呢個就咁食已經好好味，配埋燒牛扒一齊食更加正。
Post
