梅丘壽司の美登利総本店 (雅蘭中心) (Closed)

一直都好想試下呢間日本過江龍壽司店，今日終於有機會食到。兩個人叫左一個特選手握壽司盛合，成個set好豐富，每件壽司的賣相都相當唔錯，見到已經流哂口水。個人最喜歡鰻魚壽司，無泥味而且食落鮮甜。蟹腳則有點令人失望，食落欠缺鮮味，肉質比較軟腍。蝦刺身大大隻，爽口彈牙之餘亦都好鮮甜，味道唔錯。軍艦上面鋪滿海膽，海膽無腥味但唔夠鮮甜，不過依舊是入口即溶的creamy口感。帶子壽司嘅質素不過不失，肉質爽甜唔腥。三文魚子粒粒飽滿多到滿瀉，食落咸咸地帶鮮味，爽脆口感亦都一流。套餐以外，我地都散叫左幾款壽司。瀨尿蝦壽司蝦肉食落有啲霉同埋有腥味，比較失色。火炙三文魚壽司面頭的魚肉又長又大片，油香滿溢好好味。壽司質素比較參差，有部分唔夠新鮮，有機會再嚟試下呢到嘅吞拿魚刺身。