德美壽司

Open Now

Now Closed

大埔又有好嘢食，今次大埔友介紹我去德美壽司，餐廳食材新鮮及高質，壽司選擇多而且都深得大埔區街坊歡迎。今次我嚟一個自私食，先來“煎鵝肝帶子卷”，壽司飯裡夾著了青瓜絲及鵝肝，外面有脆卜卜及帶子。味道方面，帶子很新鮮好甜，聞落去是沒有鵝肝味，當食落後鵝肝味先出，但唔算濃郁，夾雜著青瓜絲好新爽，沒有油膩感，很好。芥辣八爪魚軍艦 ，八爪魚加埋醃菜一齊食，味道好重，芥末的辛辣及醃菜的酸味，產生強烈嘅對比， 刺激我味蕾，十分過癮。北寄貝壽司很新鮮爽甜，北寄貝是大大塊個種，不鞋不乾，非常優質。最驚喜梗係海膽軍艦，單睇外觀顏色不討好，本身以為中伏會唔夠新鮮啦，點知原來是來自加拿大馬屎海膽，無腥味好新鮮，超甘甜，非常好食，所以好多時不要單睇外表，其實內在都好緊要架。餐廳裝修設計都好有日本風味，門外仲掛上滿滿的燈籠，食客也衆多，而且座位舒服，下次想再嘆壽司我都會想再嚟，希望下次再好新驚喜。