大壽司．和食 (Closed)

西灣河好多壽司店質素其實一般。呢間野去就去過幾次，但食物質素愈來愈差。以前六點幾好多人排隊食，而加六點半去到都立即有位，上層坐左一半位，下層完全無人坐。食物質素就中等。無骨鳳爪又無辣味又無酸味，只有雪味，食過一次後唔會再食。正如menu所說，壽司件件都係大件非正宗日本壽司。香芒椰絲卷叫一口壽司真係叫錯名，一啖都食唔晒，芒果唔算太甜。壽司飯唔算一夾就散，但飯係暖，第一次食壽司係食暖暖。炸蝦卷算OK，但亦都係大件。唔好睇咖哩飯旁邊碗送好大碗，好多舊雞都係骨多過肉，辣就唔係好辣。去過幾次大壽司，不斷加差唔多等同趕客的措施。第一，佢唔會好似其他日本菜餐廳咁有茶免費飲，想熱水/綠茶要付$2。今次點菜好多waiter都唔應。我好少比負評，今次係第一次。