Video
Read full review
2019-01-24
82 views
呢日lunch陪同事去尖咀攞衫，想食日本野又見到呢間新開立食店，比起同一條街出名排隊的立食店大同乾淨企理，一試之下感到非常滿足！超新鮮超好食！一入店侍應姐姐主動行埋黎問我地掛唔掛大褸係衣架，我地先發現原來收銀對面有幾件衫，有人睇住非常安全，而且唔洗被逼著住褸食到成身汗，好貼心既服務！（重點：服務好但又唔需要加一）午餐set掙扎左好耐食魚生飯定壽司，最後決定叫壽司10貫（$188）雖然未必餵飽我但起碼可以每樣試下壽司餐都可以自選同揀每款要幾多件，餐牌下面有堆係*另加每件既價*，即係我可以叫10件之後再加多$10/20食多d想試既野！呢個設計自由度唔錯～我揀左：赤身（吞拿）x2, 池魚 x2, 帶子， 火灸三文魚，松葉蟹，穴子（唔係鰻魚），赤蝦，蔥拖羅。 我地企bar枱望住師傅搓搓捏捏，然後小心咁放係我地前面個碟，仲分得好清我地邊個落左邊件壽司，感覺好似係日本食緊omakase 咁 好有「正式感」； 壽司每件都配搭左調味，例如帶子上面輕輕掃左層醬油同放左魚子，池魚同飯中間已經放左適量既wasabi，令到魚食落更鮮甜；松葉蟹肉下面放左少少沙律醬，紫菜係勁鬆脆！ 穴子都好長身，醬汁濃而不膩，份
一入店侍應姐姐主動行埋黎問我地掛唔掛大褸係衣架，我地先發現原來收銀對面有幾件衫，有人睇住非常安全，而且唔洗被逼著住褸食到成身汗，好貼心既服務！（重點：服務好但又唔需要加一）午餐set掙扎左好耐食魚生飯定壽司，最後決定叫壽司10貫（$188）雖然未必餵飽我但起碼可以每樣試下
壽司餐都可以自選同揀每款要幾多件，餐牌下面有堆係*另加每件既價*，即係我可以叫10件之後再加多$10/20食多d想試既野！呢個設計自由度唔錯～
我揀左：赤身（吞拿）x2, 池魚 x2, 帶子， 火灸三文魚，松葉蟹，穴子（唔係鰻魚），赤蝦，蔥拖羅。
我地企bar枱望住師傅搓搓捏捏，然後小心咁放係我地前面個碟，仲分得好清我地邊個落左邊件壽司，感覺好似係日本食緊omakase 咁 好有「正式感」； 壽司每件都配搭左調味，例如帶子上面輕輕掃左層醬油同放左魚子，池魚同飯中間已經放左適量既wasabi，令到魚食落更鮮甜；松葉蟹肉下面放左少少沙律醬，紫菜係勁鬆脆！ 穴子都好長身，醬汁濃而不膩，份量岩岩好；
赤身油份充足，肉質好甜！
最重要既係！壽司飯粒粒飽滿，黏度適中，仲調埋味添！好想打包一兜壽司飯外賣
最後見到隔離榙每人叫左件唔知咩魚，同另一位師傅傾計話第二次食呢隻魚，咩估唔到呢度有等等（好似人地做枚咁）好奇之下問到叫「寒鰤魚」，名聽落好兇狠，但原來即係成年d既油甘魚，要成$50件既期間限定！雖然好貴但決定試一件咁多肉質好厚但偏彈牙，油香充滿成個口腔，完全唔腥仲好鮮甜，食完一件完全唔夠喉但荷包有點受傷所以係咁說服自己少食多滋味⋯分散注意力分散注意力⋯
（發現立食既可惡之處，就係食完一件接一件，企係度又唔覺頂住個肚，又唔會掛住玩電話分心，又會見到師傅整其他人既野食⋯非常考驗你既自制能力）
最後埋單$238落樓⋯但非常開心因爲真係食左好多高質野
寒鰤魚
19 views
1 likes
0 comments
特寫一下寒鰤魚！
下次要再黎！但最好有人埋單啦
想俾10粒星！
6 views
0 likes
0 comments
玄米茶
4 views
0 likes
0 comments
*玄米茶都好好飲！
Post
