夏娃 (Closed)

墨魚汁海鮮意大利飯真心推介。話說今日在北角食Lunch，去咗呢一間主打德國野嘅西餐廳(因為見到佢推介德國豬手同埋德國啤酒)，Lunch Menu都有幾多選擇，我就叫咗墨魚汁海鮮意大利飯。Set Lunch跟埋餐湯或者沙律，我揀咗沙律，都算新解，以跟餐沙律黎講都算係有誠意嗰班。主菜來了，墨魚汁海鮮意大利飯，海鮮包括有蝦、青口、蜆同埋魷魚，個墨魚汁又香又濃，同意大利飯好夾，而且D飯粒好似吸收晒D海鮮嘅精華咁樣，好入味。D海鮮質素都唔錯。飲品改叫啤酒，店員推介我試呢隻黑啤，佢係麥啤黎嘅，麥味好香，都幾好飲。