鋒哥廚房 (Closed)

鋒哥廚房係元朗，唔算市中心，但都唔算難搵，而且鋪頭好大，$288一位既放題食到兩個鐘算係十分抵食，任食食物係出乎意料咁多😶我地先黎一個陳年花雕醉雞煲，呢個食一次架姐，都合理既，因為真係好好食好足料，呢個都任食真係蝕死老闆😂陳年花雕浸出黎既醉雞好香，啲酒味一上枱就聞到，好醇好濃既花雕入晒落啲雞，每件都食到酒味，雞肉又夠嫩，真心超出預算，不得了🥃🐓然後就係任食既麻辣雞煲，被岩岩既花雕雞煲拉高佐水準，但係呢個雞煲都真係絕對唔差🥸雞煲既麻味辣味係配合得岩岩好，唔會太麻亦唔會太辣，但係有後勁既，愈滾啲味愈出，愈食會愈辣，但過癮既，而且啲雞唔硬唔鞋，好滑好好食😌食到咁上下就再轉，係時候食任食既火鍋，湯底就係有營蕃茄薯仔湯🍅🥔營養十足夠晒健康，好清甜好鮮甜美味，配料選擇多多，安格斯牛頸脊同黑毛豬肉片都好正，牛肉油花好均勻，好嫩，豬肉好香豬味，軟腍好食😙另外都好抵食既配料仲有海鮮，我叫佐勁多蜆，快熟又新鮮，一啲沙都無，一粒粒食下食下都唔知食佐幾多啦😝😂打邊爐就緊係要飲埋啤酒，都係任飲，抵！