蠔站 (將軍澳中心) (Closed)

星期二見有199有8國生蠔送白酒一杯優惠就去食，叫咗軟殼蟹意粉，卡拜娜意粉、炸豬手同一份Pizza。所有食物除生蠔勝價比低，牛排味道叫做得好少少，但價錢貴、份量又少，意粉好乾無汁食到乾喉想嘔、10元蠔紙咁薄，絕對薄過街邊蠔餅；薄餅真係好薄，一份切6件，大少如2隻麻雀但得5mm厚，晚餐一個人食晒成份都肯定唔夠飽，但賣168一份。不過最最最嚴重係發現佢墊蠔嘅冰兜、cocktail sauce 嘅兜仔、8國蠔嘅牙籤國期整兜都是重用的，侍應只係掉走客人食完嘅蠔殼，連兜入面溶咗嘅雪水都唔倒，只移好啲旗仔牙簽就放下一個 order 嘅蠔上去再比第二枱客，我觀察咗成晚，侍應好快會收走個蠔兜，可能係怕啲冰治溶晒，今時今日嘅疫情年代仲咁唔衛生、真係免費都唔敢再食。我真係鍾意食蠔，但見到咁真係好失望，唔知其他分店係咪咁樣。