Video
Read full review
2016-04-01
650 views
剛美國返黎兩日，點都要食返夠本先得 ﹗早起的曉奧有麵食 ﹗今日繼續出前一丁做早餐，我要丁麵架，水吧出錯普通即食麵比我了，請換過，謝謝。其實我經常幫襯出前一丁早餐，而且要坐低慢慢食唔會外賣，係因為貪佢地夠乾淨、夠企理，坐得舒服又食得開心，老闆及員工們亦殷勤有禮，讚。好耐無黎食早餐喇，要九點前到公司樓下先食得到呢 ﹗同個二一八婆鬥緊法要 9:10 前打咭 ﹗太陽蛋餐肉沙嗲牛肉出前一丁，嘩 ﹗塊餐肉好唔掂喎，凍冰冰又乾硬又油淋淋，放左好耐呢。合記樣樣都好，硬係餐肉每次都搞成如此田地。沙嗲牛還可以啦，質數保持中規中矩，其實可以再鮮一點、牛味再濃一點、質地再滑一點。今日死都要探探沙嗲牛肉，好耐無食過佢喇。合記樣樣都好，係個餐肉最差，由始至終都無進步過，一早煎定又油膩又乾鞋 ﹗水吧哥哥高超既煮麵技術深得我心，爽滑彈牙、熱騰騰香噴噴又有鑊氣 ﹗撈太陽蛋黃好、撈士拉差辣醬好、撈辣椒渣都好，一樣咁好食 ﹗捲住乸得不過份既沙嗲牛一齊食，別具一格。突然想食沙嗲牛肉，味道質數仍舊不變，普通平凡唔難食。又唔記得左唔叫得餐肉架呢 ﹗放到又油又乾又硬。丁麵高水準，爽彈滑滑熱辣辣，掛得香濃湯汁滿滿。太陽蛋餐肉沙嗲牛肉
太陽蛋餐肉沙嗲牛肉出前一丁，嘩 ﹗塊餐肉好唔掂喎，凍冰冰又乾硬又油淋淋，放左好耐呢。合記樣樣都好，硬係餐肉每次都搞成如此田地。沙嗲牛還可以啦，質數保持中規中矩，其實可以再鮮一點、牛味再濃一點、質地再滑一點。今日死都要探探沙嗲牛肉，好耐無食過佢喇。合記樣樣都好，係個餐肉最差，由始至終都無進步過，一早煎定又油膩又乾鞋 ﹗水吧哥哥高超既煮麵技術深得我心，爽滑彈牙、熱騰騰香噴噴又有鑊氣 ﹗撈太陽蛋黃好、撈士拉差辣醬好、撈辣椒渣都好，一樣咁好食 ﹗捲住乸得不過份既沙嗲牛一齊食，別具一格。
突然想食沙嗲牛肉，味道質數仍舊不變，普通平凡唔難食。又唔記得左唔叫得餐肉架呢 ﹗放到又油又乾又硬。丁麵高水準，爽彈滑滑熱辣辣，掛得香濃湯汁滿滿。太陽蛋餐肉沙嗲牛肉出前一丁，上星期 lunch 黎食左個索索聲既生麵後，試多次早餐啦 ﹗今次熟過上次少少，但都係生得濟有點硬，以前唔係咁架喎。沙嗲牛肉微乸可接受，沙嗲甜而不辣不濁。不忘了不能叫合記餐肉呢，貫徹始終乾鞋硬油凍。乾硬油鞋凍餐肉搭上甜而不辣沙嗲牛肉，爽彈麵條紮住略乸牛肉撈埋暖笠笠甘甜蛋黃同吃，美味致極呀 ﹗
太陽蛋火腿豬扒出前一丁，前幾日已嘆左雞扒、沙嗲牛、餐肉、腸仔，今日終於輪到豬扒喇，唔好意思要您等咁耐。肥豬扒邊位成條肥膏太肥入唔到口呢，其他瘦肉位煎得乾爽又香口，不太乾而帶少少肉汁，泛著清淡香草味道，合格。太陽蛋火腿大路質數無問題。不要喉擒，讓熱湯烘著一會兒，就可以食到暖笠笠既火腿太陽蛋喇。大啖大啖地吸啜熱燙燙爽滑麵條，食左兩啖已急不及待要連湯掃入口喇。麵條湧著大量香濃湯汁衝入口，美味非常 ﹗
豬扒有點失準喎，好重隔夜味道，又乾又油又硬，就算炸完翻熱我再浸湯都難以起死回生呢 ﹗太陽蛋火腿當然穩陣無問題啦，火腿拖一拖熱湯就成塊啪，暖暖地幾好。太陽蛋就要浸耐少少，讓熱力滲到深處，暖笠笠太陽蛋特別美味。再用麵條刺穿蛋黃一齊食，非常冶味。我食得幾快都好，坐低 order 5 分鐘加食 3 分鐘加行返公司 1 分鐘，都要 9 分鐘呢 ﹗
太陽蛋火腿雞扒出前一丁，咸香火腿滑溜，拖拖湯好食。雞扒塗上甘香蛋汁份外香口 juicy，嫩滑雞肉添上黏黏滑滑既薄膜，薄膜滲出濃厚蛋香味道，將所有味道跟質感融合，達到最高境界﹗香濃彈彈麵條捲著雞扒同吃就更襟上添花，百花齊放 ﹗地獄黑仔皇誰與爭風 ﹗燦記勁多人、發記車仔麵既河粉又賣晒，諗住黎合記食炒河又賣晒，真無奈啊。
雙太陽蛋雞扒出前一丁，個個都走去食一蘭，好巴閉咩 ﹗我實有機會去試既，哼 ﹗食住出前一蘭頂住先。嫩口味濃香煎雞扒，淡淡雞味，醃味出眾可口。親子出前一丁，蛋汁撈雞扒再搭上索盡香濃湯汁既麵條，食到停唔到口 ﹗質數直迫一蘭啦 ﹗香煎雞扒肉質嫩滑又滲著澎湃雞汁，醃得入味可口，非常高質好好食 ﹗略厭雞皮煎得唔多夠乾爽，油膩左少少，煎到脆脆地就最好喇 ﹗丁麵真係煮得非常出色，嚥韌爽滑，熱騰騰又夠火侯。今朝準時出門口返工，終於可以坐底慢慢嘆我既出前一丁早餐喇，大滿足 ﹗
又係靚雞扒食，太好喇 ﹗香甜味美，濕潤嫩滑，皮香肉嫩。兩隻太陽蛋一隻直接食，另一隻撈麵食，雙蛋兩味夠貪心。濃郁湯汁混和甘香蛋黃再依附係每條爽滑麵條之上，蛋黃味道更加突出，湯汁更加甜美豐富，好好味呀 ﹗依家 09:00 梗係嘆埋個早餐先返公司啦，明明公司批準我地可以 09:10 前返到就唔計遲到，我 09:10 返到，您條二一八婆關您叉事咩，員工福利都要嘈 ﹗您返 08:30 走 18:30 係您既事，話知您坐足 24小時係度做食蕉比老闆睇啫 ﹗
雙太陽蛋豬扒出前一丁，豬扒煎得乾爽又香口，浸浸熱湯可去油膩又能增加水潤程度，好食。麵條夾住湯汁連太陽蛋齊齊跳入口中，太陽蛋係口腔內爆開，甘香蛋黃汁跟所有味道完全融合，十分美味。合記鍾意湯麵跟餸分開上的，但我就鍾意將太陽蛋拖一拖熱湯先食，熱辣辣既流心蛋黃係超級好味架 ﹗有骨豬扒超水準演譯，賣相一流，看得見的香口 juicy ﹗肉汁豐富，一咬即射。麵條爽夾滑，撈上甘香蛋黃那有難食的理由。
太陽蛋五香肉丁腸仔出前一丁，成晚諗住想食五香肉丁麵，好采忍得住無爬起身煮宵夜食啫 ﹗每次食沙嗲牛肉或五香肉丁既湯都無咁熱架喎，因為個麵煮好先倒凍既餸上面囉。雖然五香肉丁份量較少，勝在無雪到乾爭爭，肥膏不太多，有肉食喎。撈上五香辣汁香香辣辣都幾開胃可口，最緊要唔洗輪骨麻，連肉帶麵一齊咬，爽乎 ﹗腸仔略炸翻熱還可以，可以炸耐一點，炸到發脹皮脆肉嫩更喜歡。
太陽蛋五香肉丁豬扒出前一丁，嘩 ﹗出前一丁好爽脆，咬落索索聲喎，麵條太生，失手了 ﹗浸多陣都無補於事，唯有照食啦。五香肉丁微辣，肉丁不肥有肉食，拿起隻碗連肉帶湯帶麵掃入口份外豪氣，大量辛辣湯汁衝著所有食材落肚好好味 ﹗豬扒還可以，煎得外脆內嫩、香口非常，肉質不失咬口。
太陽蛋腸仔雞扒出前一丁，炸完既腸仔再浸湯好味道 ﹗今朝塊雞扒超級鮮嫩，彷似剛剛煎起。肉汁水潤非常，一咬爆汁，醃味出眾而煎得香口，越食越想食。一啖腸、一啖滑麵；一啖雞、一啖爽麵，食味多姿多采，非常幸福啊 ﹗早起的曉奧又有出前一丁食喇 ﹗仲有大把時間，真係可以嘆足十五分鐘啊。 炸過既腸仔夠香口，滿意。出前一丁保持高水平，爽彈而掛湯力強，紮住腸仔雞扒齊齊跳入口特別好味，多重質感與味道，正呀 ﹗半塊雞扒保持高質數，熱辣辣皮香肉嫩又多汁、醃得入味又香甜。爽彈味濃麵條捲起腸仔太陽蛋一齊食，超滿足 ﹗好好食 ﹗
我講左四次我要太陽蛋雞扒肉丁丁麵，點解老闆您係都要比腸仔呢？是否今日無肉丁賣晒呀？您都要講聲我知架，雖然我出名好相與啫。今日嚴重感冒，頭暈、頭痛、喉嚨痛、咳、四肢無力，要快快食個早餐即去睇醫生，睇完仲要返工呀 ﹗太陽蛋腸仔雞扒出前一丁，合記喜歡麵底跟餸分開上的，可能想顧客食住等可以慳時間麻，不過我喜歡到齊晒張大合照先一次過決解佢地呢，今次麵底快過餸噃。
太陽蛋腸仔雞扒走包，唔係怪味腸，好 ﹗炸過既腸仔幾好味，外皮微脆、裡面充滿肉汁。炸過既雞扒就麻麻地喇，表層有點乾鞋，幸好裡面都仍然鮮嫩多汁啫 ﹗得半塊雞扒乍？都係英發最抵食，一整塊雞扒，但最衰佢地環境、枱櫈、餐具都太污糟呢，好可怕 ﹗附近最乾淨只有合記，讚 ﹗食左咁耐每次都係黎食出前一丁，阿姐已攞定筷子比我，但佢唔到今日我下定決心朝早戒即食麵，好肥啊 ﹗琴晚早一個鐘瞓，今朝早左起身，時間好鬆動呀 ﹗慢慢行、慢慢嘆早餐，爽爆 ﹗
太陽蛋腸仔豬扒出前一丁，為何會係怪味腸架 ？正常腸剛用晒要頂住先？我想食熱狗腸或廚師腸呢。香草豬扒有點肥，油淋淋，入得口唔難食。出前一丁美味依舊，爽彈滑溜無投訴。
炸菜肉絲鮑片出前一丁併火腿奄烈，食到悶要搞下新意思，第一次咁既配搭食出前一丁，味道又幾夾喎 ﹗撈埋炸菜肉絲一齊食又幾香口惹味喎 ﹗一鑊熟啦 ﹗常餐既火腿奄烈不過不失，我都係較喜歡有滑蛋既感覺，依個蛋太熟太老喇 ﹗齋將麵條捲住鮑片撈埋炸菜肉絲啜入口，肉絲味濃有咬口、炸菜脆口重咸味、鮑片嚥韌又帶甜，撞埋一齊既特別又可口，味道不俗。
火腿奄烈鮑片沙嗲牛肉出前一丁走包，今日再次食唔到炒河，又賣晒，連續幾次喇 ﹗求其食個即食麵餐算數，最緊要快。簡單是美 ﹗擘盡個血盆大口，將所有野倒晒入去就搞掂 ﹗咸香帶滑火腿、極甜鮑片、甜而不辣沙嗲牛肉、滑彈麵條、濃郁湯汁，各有所長又能融會貫通，美味啊 ﹗
太陽蛋餐肉沙嗲牛肉出前一丁
10 views
0 likes
0 comments
太陽蛋餐肉沙嗲牛肉出前一丁
8 views
0 likes
0 comments
雙太陽蛋雞扒出前一丁
5 views
0 likes
0 comments
雙太陽蛋雞扒出前一丁
6 views
0 likes
0 comments
太陽蛋火腿豬扒出前一丁
6 views
0 likes
0 comments
Post
