1
菜單必點嘅第一位：「波士頓龍蝦」
佢呢個真係不得了，媲美甚至超越酒店嘅級數，肉質爽彈牙，而且大部分龍蝦都係有糕嘅，所以今超前部署定，務求令自己食到一隻。
2
菜單必點嘅第二位：「皇牌燒乳鴿王」
本人一直都麻麻地食乳鴿，上一次都冇食到，今次一試就即刻愛上，佢係好juicy好多肉，而且係肉質好嫩滑，估唔到可以好食成咁。
菜單必點嘅第三位：「鱘魚子醬」
雖然未必係啲咩嘅貴嘢，但叫做唔係易買到嘅菜式，我覺得一定要試下。佢呢個魚子醬唔太鹹，淋淋地易入口。
1
菜單必點嘅第四位：「鮑魚皇帝蟹黃粥」(單張上嘅圖片，唔記得影實物圖，個樣差好遠)
佢呢個粥堅不得了，雖然今日個份量少咗好多咁，但味道依然出色，蟹嘅味道非常出色，嚟到一定要試。
菜單必點嘅第五位：「芝麻雞翼」
我堅想知佢呢個雞翼响邊度入貨，堅好食同惹味，佢係我食過嘅雞翼嘅No.1，我諗佢可以考慮一下零售呢個雞翼。
菜單必點嘅第六位：「避風塘炒蟹」
因為本人唔食蟹，但點解會係五甲必點，正正係因為太好食，佢除咗欠缺鑊氣外，應有嘅味道都齊全，而且佢個蟹好新鮮同惹味，佢真係做到避風塘嘅風味。
菜單必點嘅第七位：「海膽軍艦」
呢個正在唔只係因為海膽，而係去自助區攞三文魚子，將成個海膽軍艦嘅味到提升到神級嘅位置，海膽同三文魚子嘅鮮味互相輝映，唔信嘅可以去試下。
菜單必點嘅第八位：「蒜蓉粉絲蒸蟶子皇」
佢真心佩服佢將一個都幾麻煩嘅菜式去做放題，我豪不客氣咁叫咗兩round，佢比起酒樓做得更出色，味道剛好，炸蒜亦夠脆，最緊要係啲蟶子肉質鮮嫩，亦冇沙，食咗兩轉都係冇沙，我估唔到佢有清乾淨啲內臟，呢下堅讚。
菜單必點嘅第八位：「燒香草羊鞍」
佢個羊鞍超惹味，羊味夠突出，肉質夠juicy同夠淋，呢個係喜出望外，鍾意食羊嘅朋友，呢個係必點。
自助區我推薦有幾款必食嘅係「煙三文魚」嘅多士、「炸鮮奶」、蟲草花烏雞湯」，呢幾個菜式真心係覺得好食，呢個係估唔到一間只係食放題嘅都餐廳都做到咁出色嘅熱食，絕對係超讚。
對我嚟講，《殿．大喜屋》係性價比極高嘅一間餐廳，至少係，比一個價錢就享用到超越酒店級嘅味道，所以點解佢做到日日都爆場，都係有佢嘅好處。嚟緊會再食上多幾層，同集團嘅千海水產，十分期待。
1
