大井町日式放題 (Closed)

男朋友生日，揀左間日式放題，等鍾意食日本嘢嘅男朋友食個夠本。呢間日本野好大，有個開放式廚房，呢度只係其中一部份，真係好鬼大，坐得好舒服。跟住見到兩大本menu, 簡直係開心都傻左。平時放題都係得d普通料，普通壽司魚生，呢度就有好多特色壽司，牛油果壽司呀，火炙芝士三文魚呀，和牛壽司呀，真係良心的表現！我地每樣叫少少，試左好多唔同既野，壽司，魚生，小食，甜品。樣樣都好好食！！！我真係好鐘意呢間既特色壽司，卷物，夠新鮮又好味，真係每款都好驚喜。魚生係放題必食既，呢間既魚生厚肉地，都好鮮，正！呢個生日飯我好滿意。