Video
Read full review
2025-02-24
1394 views
之前石硤尾嘅 All about Nuts 據講只係做外賣，真漢子就剛剛試咗搬去土瓜灣嘅新店，變成餐廳，有好多純素嘅食物選擇。💚我今次試咗：🍝 味噌堅果醬意粉配烤南瓜 $68本身真漢子以為啲主食同 nuts 係無關，所以開頭想點鷹嘴豆菠菜素咖哩飯，後來先發現原來多數主食都同 nuts 扯上關係，咁作為一個專業嘅 foodie 梗係即刻轉軚啦。🛞↪️平時食意粉除咗有時會加少少杏仁或松子仁外，冇諗過原來堅果醬可以加入意粉度，而且唔止冇違和感，仲好驚艷。佢哋招牌嘅堅果醬布滿每條扁意粉，所以每一口都食到，非常滿足，旁邊亦有啲杏仁碎。烤南瓜烤到有少少焦香但唔會太燶，同埋意粉味道好夾。😙🧇 開心果醬素窩夫，配椰糖漿 $68素窩夫有多種堅果醬選擇，除咗開心果仲有：🥜 花生醬 $38🌰 杏仁/核桃/腰果醬 $48🌰 榛子醬 $68可配焦糖煉奶/椰糖漿/莓果醬(Waffle 附近果啲 cream 問過係普通忌廉，非 vegan，brownie 啲 cream 都係）唔係好鍾意食甜品嘅我都覺得超好食，雖然開心果醬味係最貴，但佢都值回票價，因為醬填滿哂窩夫嘅窿窿之中，仲有好多開心果碎，勁香口，加埋椰糖漿同脆脆
我今次試咗：
🍝 味噌堅果醬意粉配烤南瓜 $68
味噌堅果醬意粉配烤南瓜
$68
381 views
0 likes
0 comments
本身真漢子以為啲主食同 nuts 係無關，所以開頭想點鷹嘴豆菠菜素咖哩飯，後來先發現原來多數主食都同 nuts 扯上關係，咁作為一個專業嘅 foodie 梗係即刻轉軚啦。🛞↪️
平時食意粉除咗有時會加少少杏仁或松子仁外，冇諗過原來堅果醬可以加入意粉度，而且唔止冇違和感，仲好驚艷。佢哋招牌嘅堅果醬布滿每條扁意粉，所以每一口都食到，非常滿足，旁邊亦有啲杏仁碎。烤南瓜烤到有少少焦香但唔會太燶，同埋意粉味道好夾。😙
🧇 開心果醬素窩夫，配椰糖漿 $68
開心果醬素窩夫，配椰糖漿
$68
2682 views
0 likes
0 comments
素窩夫有多種堅果醬選擇，除咗開心果仲有：
🥜 花生醬 $38
🌰 杏仁/核桃/腰果醬 $48
🌰 榛子醬 $68
可配焦糖煉奶/椰糖漿/莓果醬
(Waffle 附近果啲 cream 問過係普通忌廉，非 vegan，brownie 啲 cream 都係）
唔係好鍾意食甜品嘅我都覺得超好食，雖然開心果醬味係最貴，但佢都值回票價，因為醬填滿哂窩夫嘅窿窿之中，仲有好多開心果碎，勁香口，加埋椰糖漿同脆脆嘅窩夫一齊食，感覺好幸福 🥰。坊間開心果產品氾濫，其實唔知真開心果嘅成份有幾多，但呢度嘅堅果醬無添加，所以肯定係真材實料。💪🏻
🍫 開心果野莓素布朗尼 $35
開心果野莓素布朗尼
$35
419 views
0 likes
0 comments
根據佢哋 社交平台post，成份有開心果醬、開心果仁、野莓、可可油、焙茶粉、麵粉、原糖、椰糖、水、泡打粉。
可能先食窩夫，太好味，所以食呢個 brownie 果陣唔覺得太好食，所以可以留 quote 試其他嘢（或者食多個窩夫？🤣）
☕ 堅果奶香料茶 $30
堅果奶香料茶
$30
530 views
1 likes
0 comments
呢度只供應熱飲，想特別少少真漢子就試咗香料茶。可能加咗堅果奶，所以即使當日好凍，飲完都覺得個身暖咗。而佢唔太甜，配窩夫食就啱啱好。不過我覺得香料嘅味道唔夠特出。🙂
食飽飽可以參觀吓佢哋出品嘅堅果醬，款款都可以試食 👅。份量為 100，200 同 300g，一場嚟到我都買返樽返去試下，豪擲 $60 買咗樽嘅 100g 榛子腰果醬 😂。問過店員可室溫保存最多半年。🍯
呢度由土瓜灣站 B 出口行一陣就到喇，環境係 cafe 格調，幾悠閒同舒服㗎，啲嘢又幾好食，大家都嚟試吓啦。😉
Post
