SOYmart by 豆乳狂人

Open Now

Now Closed

去開樂富，點會唔去埋豆乳狂人🤩不過食落冇網上面啲人講到咁好食，同埋堂食用紙盒裝，外賣反而用膠盒裝，本身諗住堂食膠盒打卡會靚啲，不過算了，都唔影響味道嘅。🔹黑糖珍珠豆花（熱） $32豆腐花識叫一定會叫熱豆花，因為會比較滑啲。但佢呢個係滑得嚟實，都唔錯嘅。面頭鋪滿咗黑糖珍珠，黑糖汁代替咗傳統嘅黃糖，整體上唔錯。🔹三色芋圓豆花（凍） $32 三色係指芋圓、紫薯圓、蕃薯圓，大大粒，食落煙煙韌韌。豆花都係偏實淨，不過成碗野比較清淡，而且食晒都好飽下🤣🔹狂人粢飯 $32好大舊，粢飯入面有肉鬆、榨菜、油炸鬼等配料，配料好多，不過味道正常，係一嚿好多料同埋份量好足嘅粢飯。