Video
Read full review
2015-12-27
600 views
執咗佢啦！本身我都冇openrice ac,不過今次要特登開個ac 黎寫衰佢！話說我第一次黎長洲，滿心歡喜諗住試吓長洲馳名嘅允升糯米糍，多得前面班師兄推介，今次真係好帶歇！本身見鋪面無人諗住入去買個糯米糍同女朋友靜靜地坐係度食，點知未入去個店員已經黑口黑面，咁我當無事買黎食啦見咁出名本來我買黎係想要同女朋友一人一個，然後買多八個比佢roommate 同我屋企人，所以買十個啦，個黑面店員話：「買多兩個啦！咁我唔洗執吖嘛！」好⋯我女朋友好人，幫佢買多兩個，最尾買左成百二蚊（十蚊個）。因為外賣諗住囉支叉啦，點知佢好大聲咁講：「食糯米糍唔可以用叉！」WoW我心諗，唔通用叉食會無咁好味？原來！你地有所不知喇！允升既叉呢，唔係睇你買左幾多錢糯米糍就比你用架，係要你買指定既甜品先乎合資格用！所以就算你幫櫬左佢成舊水，都唔用得佢啲叉架喎！聽到呢道已經覺得佢服務態度一流，原來仲未見真章，哈！當我地諗住坐低一人一件食左佢，同埋分開兩盒既時候，佢即卡出現響我地面前，話：「糯米糍不設堂食，一定要出去食架！」WoWoW！我地望多望，已經成六點半，間鋪鬼影都唔多隻，仲要大把位，我地食完分埋洗幾耐？咁都唔坐得低，又
本身我都冇openrice ac,不過今次要特登開個ac 黎寫衰佢！
話說我第一次黎長洲，滿心歡喜諗住試吓長洲馳名嘅允升糯米糍，多得前面班師兄推介，今次真係好帶歇！
本身見鋪面無人諗住入去買個糯米糍同女朋友靜靜地坐係度食，點知未入去個店員已經黑口黑面，咁我當無事買黎食啦見咁出名
本來我買黎係想要同女朋友一人一個，然後買多八個比佢roommate 同我屋企人，所以買十個啦，個黑面店員話：「買多兩個啦！咁我唔洗執吖嘛！」好⋯我女朋友好人，幫佢買多兩個，最尾買左成百二蚊（十蚊個）。因為外賣諗住囉支叉啦，點知佢好大聲咁講：「食糯米糍唔可以用叉！」WoW我心諗，唔通用叉食會無咁好味？
原來！你地有所不知喇！允升既叉呢，唔係睇你買左幾多錢糯米糍就比你用架，係要你買指定既甜品先乎合資格用！所以就算你幫櫬左佢成舊水，都唔用得佢啲叉架喎！
聽到呢道已經覺得佢服務態度一流，原來仲未見真章，哈！當我地諗住坐低一人一件食左佢，同埋分開兩盒既時候，佢即卡出現響我地面前，話：「糯米糍不設堂食，一定要出去食架！」WoWoW！我地望多望，已經成六點半，間鋪鬼影都唔多隻，仲要大把位，我地食完分埋洗幾耐？咁都唔坐得低，又唔係有人排，洗唔洗咁計較？
食完之後其實我地都覺得同出面X記，芒X皇差唔多，唔覺得有咩咁特別，只係名過其實，實在唔值得咁吊高黎賣！岩岩見前面原來都好多師兄中左伏，如果你想食件平平無其既芒果糯米糍，又貼錢受人氣既，允升確係好選擇！
執左佢啦！
Post