城中鴨子

Open Now

Now Closed

今日去尖沙咀行街，行到差不多晚上八點，就順便在那裡搵野食。行過見到城中鴨子，門口已經有好多人去排隊。我同我男朋友見到每個人枱面都必點一碟扁皮鴨，就打算試下。餐廳的面積都算大，座位都算多，整體非常整潔。排咗一陣就可以入座，肚已經餓到咕咕聲。我哋開始就點左半隻鴨，麻婆豆腐，宮保雞丁，同埋龍蝦湯。飲品就點左荔枝特飲。不得不讚碟鴨，皮脆肉滑。鴨皮先係精髓，可以燒到鴨皮咬落去香口，酥脆，鴨肉又唔會太乾太柴。佢仲配埋大蔥同埋青瓜。而包住佢的面皮蒸的剛好，睇落好透，咬落好有口感。然後上埋碟麻婆豆腐，因為鍾意食辣嘅我，一定要用啲豆腐來撈飯食，如果唔食得辣嘅朋友仔可以叫佢小辣。而宮保雞丁啲雞都大大粒， 花生香口，口感十足。龍蝦湯亦有蝦肉，湯汁濃郁，十足，可以一試。後來，男朋友見到旁邊枱食緊小籠包，所以佢都話想點一份試下。一籠六粒，每個小籠包都非常飽滿一啲都唔乾，豬肉餡，一用筷子篤穿佢，湯汁流晒出嚟。再點埋佢既醋，正！！食得咁多辣野， 當然要飲杯荔枝特飲解解渴，荔枝特飲唔會太甜又清新嘅感覺，杯邊仲會有一粒大大粒荔枝，好想叫多兩杯飲，但食哂上面既菜餚之後，10成飽哂，城中鴨子出乎意料咁滿足同好味。