Video
Read full review
2021-01-13
177 views
激安殿堂Donki分店响 11月進駐將軍澳澳南海岸已經唔係咩新資訊，但响Donki 一樓穿過條橋嘅Monterey Place有間隱細hiddengem日式居酒屋- “緻 Kushiyaki House & Bar 你又知唔知呢?餐廳其實响一樓《築地GINDACO章魚燒》旁邊入口再直行到尾，餐廳班底亦功力深厚、由兩位嚟自名店嘅資深廚師主理，精挑細選過嘅食材配上廚師別緻嘅煮法，相信一定有品質保證。🥗前菜—《溫泉蛋野菜沙律》&《冷奴》食主菜前食啲蔬菜打底相信都係好多人嘅慣常飲食習慣，平時我响屋企好少做沙律會加半熟蛋，因為無慢煮機幫手整溫泉蛋都費時，但原來加咗麻醬嘅溫泉蛋同沙律菜又幾好味！而冷奴係居酒屋頗常見嘅送酒小吃，上面加咗三文魚籽，每一粒都大而飽滿，晶瑩剔透，同豆味好重嘅豆腐配搭鮮味濃郁！🍖《特選盛合》精選雞類(5本)厚切牛舌芯(1本)美國牛西冷(1本)加拿大豬拖羅(1本)日本白豚五花腩(1本)精選雞類我揀咗藥膳雞腿肉，雞肝，雞心，雞砂肝，同雞胸肉。師傅有準備唔同醬汁配對所有串燒，當中藥膳雞腿肉效果出奇地好；有少少酒香之餘仲帶點甘甜味，而雞肝，雞心，雞砂肝全部都好細嫩，其中雞心燒得外脆
餐廳其實响一樓《築地GINDACO章魚燒》旁邊入口再直行到尾，餐廳班底亦功力深厚、由兩位嚟自名店嘅資深廚師主理，精挑細選過嘅食材配上廚師別緻嘅煮法，相信一定有品質保證。
🥗前菜—《溫泉蛋野菜沙律》&《冷奴》
食主菜前食啲蔬菜打底相信都係好多人嘅慣常飲食習慣，平時我响屋企好少做沙律會加半熟蛋，因為無慢煮機幫手整溫泉蛋都費時，但原來加咗麻醬嘅溫泉蛋同沙律菜又幾好味！而冷奴係居酒屋頗常見嘅送酒小吃，上面加咗三文魚籽，每一粒都大而飽滿，晶瑩剔透，同豆味好重嘅豆腐配搭鮮味濃郁！
🍖《特選盛合》
精選雞類(5本)
厚切牛舌芯(1本)
美國牛西冷(1本)
加拿大豬拖羅(1本)
日本白豚五花腩(1本)
精選雞類我揀咗藥膳雞腿肉，雞肝，雞心，雞砂肝，同雞胸肉。
師傅有準備唔同醬汁配對所有串燒，當中藥膳雞腿肉效果出奇地好；有少少酒香之餘仲帶點甘甜味，而雞肝，雞心，雞砂肝全部都好細嫩，其中雞心燒得外脆內軟，加拿大豬拖羅一啲都唔肥之餘只係食到爽同一咬啲油脂分佈晒响口腔，配啤酒一流之餘，我仲試咗特色雞尾酒🍹Passionfruit Cheese Cake 同Yuzu Saketini，呢兩杯都強烈推介，Passionfruit 似台式飲品，好易入口。而另一杯Yuzu 加咗小青金桔帶起晒啲Citrus味,呢兩杯cocktails 都令我留下好深刻印象！
🍆《茄子》
田樂燒嘅味道其實係由味噌加醬酒燒焗而成，茄子本身無乜味，所以師傅嘅醬油就變得相當重要，茄子個皮烘到好脆，但一咬個茄子又會爆汁，加埋個醬汁呢個配搭好高分！
🧆《炸物拼盤》&《自家製松露蘑菇糕》
炸物麵糊唔厚，口感清脆而且唔會好油，自家製松露蘑菇糕幾特別，好似新年食芋頭糕咁但變成松露口味，幾有特色！呢個時候其實已經好飽，但一個晚餐結尾唔少得嘅當然係一個甜品，職員推介《日式炸鮮奶》，佢話大廚係參考大良炸奶做法但換咗脂肪再飽滿啲嘅3.6牛乳製作，加埋一球冰凍嘅沖繩黑糖雪糕又熱又凍多重口感，真係非常之唔錯。只可以話呢間嘢值得比更多將軍澳人認識😋
8 views
0 likes
0 comments
Post
