Video
Read full review
2019-07-02
593 views
食野唔check 單小心俾人收多錢！剛剛係呢間餐廳dinner 叫左個二人餐同追加左牛肉。味道ok,價錢適中，值唔值見人見智。食左一個$388set 再加左七樣野。第一round 我只係叫左一個set,諗住食完邊樣好食左追加。咁佢上左一個拼盤同兩件和牛壽司(下圖又上角)，我無留意照食晒。第一round 所有野食晒我先追加第2 round 野食。到我埋單個時，見到係佢個落單iPad 上面有和牛壽司$90呢個item，我肯定自己無嗌過，而個menu 亦無岀現過和牛壽司呢樣野。我問餐廳員工：「我想問和牛壽司呢個收費點嚟？我好似無叫過」佢就理直氣壯咁答我：「但係你食左啦喎！」之後我話：「但係你個餐牌（下圖）完全冇和牛壽司呢四隻字，請問你點解可以上到和牛壽司？」餐廳員工就好順攤咁話：「得！我幫你減返。」 以上對話完全無加多/減少，餐飯由$900減到$800，埋單走人。 我無問所以餐廳無俾收據。 $90兩件唔係好貴，只係覺得餐牌冇嘅嘢你都可以焗我order，提醒大家要check單唔好做水魚！
剛剛係呢間餐廳dinner 叫左個二人餐同追加左牛肉。味道ok,價錢適中，值唔值見人見智。食左一個$388set 再加左七樣野。第一round 我只係叫左一個set,諗住食完邊樣好食左追加。咁佢上左一個拼盤同兩件和牛壽司(下圖又上角)，我無留意照食晒。第一round 所有野食晒我先追加第2 round 野食。
到我埋單個時，見到係佢個落單iPad 上面有和牛壽司$90呢個item，我肯定自己無嗌過，而個menu 亦無岀現過和牛壽司呢樣野。
我問餐廳員工：「我想問和牛壽司呢個收費點嚟？我好似無叫過」
佢就理直氣壯咁答我：「但係你食左啦喎！」
之後我話：「但係你個餐牌（下圖）完全冇和牛壽司呢四隻字，請問你點解可以上到和牛壽司？」
餐廳員工就好順攤咁話：「得！我幫你減返。」
以上對話完全無加多/減少，餐飯由$900減到$800，埋單走人。 我無問所以餐廳無俾收據。 $90兩件唔係好貴，只係覺得餐牌冇嘅嘢你都可以焗我order，提醒大家要check單唔好做水魚！
Post
