Video
Read full review
2023-09-15
323 views
嗰日經過海寶花園，發現新開咗間鋪頭，然後上網見到啲人話好食過老鳳茶居好多，又話係半島、瑞吉同香格里拉酒店嘅點心總廚坐鎮🏨，講到咁把炮🧨，咁緊係想試吓啦，今次終於有機會啦，我哋係平日晏晝去食，都好多人，等咗20分鐘⏱️同要同人搭枱先入到去食。而我今次嗌嘅嘢食，全部都係好少喺普通酒樓到會食到，啲造型全部都勁得意🥰。🍴 招牌酥皮鮑魚糯米雞 $52 1/10佢講到明招牌，同見佢點心紙張相咁得意😍，就緊係叫佢啦。佢係最後一碟上到，等咗成25分鐘，而上到嚟都冇令我失望，完全冇「照騙」，勁得意。而劏開佢🔪，都叫見到有隻鮑魚仔，但正當我哋夾咗喺碗入面嘅時候，發現咁條「粗粗地嘅毛」😨，即刻冇晒胃口🤢。好彩同咗待應講之後，佢哋態度都好好，係咁講唔好意思同即刻幫我哋換咗個新嘅。咁或多或少都有俾嗰條毛影響到啦，之後胃口可能冇咁好。佢個酥皮好乾，完全同糯米唔夾，但佢個糯米係好食，煙煙韌韌嘅，個鮑魚就正常水準，入邊其他料嘅份量就如圖所見。食到最後嘅時候，係整走啲酥皮，淨係食糯米。呢個價錢，喺呢間舖頭入邊，下次我會選擇試其他。總結嚟講，係好得意🐥，打卡一流，但可一不可再⚠️。🍴上湯金魚餃 $32 6.5/10上到嚟嘅
我哋係平日晏晝去食，都好多人，等咗20分鐘⏱️同要同人搭枱先入到去食。
而我今次嗌嘅嘢食，全部都係好少喺普通酒樓到會食到，啲造型全部都勁得意🥰。
🍴 招牌酥皮鮑魚糯米雞 $52 1/10
佢講到明招牌，同見佢點心紙張相咁得意😍，就緊係叫佢啦。佢係最後一碟上到，等咗成25分鐘，而上到嚟都冇令我失望，完全冇「照騙」，勁得意。
而劏開佢🔪，都叫見到有隻鮑魚仔，但正當我哋夾咗喺碗入面嘅時候，發現咁條「粗粗地嘅毛」😨，即刻冇晒胃口🤢。好彩同咗待應講之後，佢哋態度都好好，係咁講唔好意思同即刻幫我哋換咗個新嘅。
咁或多或少都有俾嗰條毛影響到啦，之後胃口可能冇咁好。佢個酥皮好乾，完全同糯米唔夾，但佢個糯米係好食，煙煙韌韌嘅，個鮑魚就正常水準，入邊其他料嘅份量就如圖所見。食到最後嘅時候，係整走啲酥皮，淨係食糯米。呢個價錢，喺呢間舖頭入邊，下次我會選擇試其他。
總結嚟講，係好得意🐥，打卡一流，但可一不可再⚠️。
🍴上湯金魚餃 $32 6.5/10
上到嚟嘅時候又俾佢驚艷到🤩，勁靚、又係打卡一流，金魚勁有細節，有整埋魚鱗❗️食落亦都皮薄餡多，但係入邊有芫荽🤮，好彩唔多，都叫可以接受。但其實佢就係蝦餃入面有芫荽，同變咗第二個造型。
用嚟打卡、貪得意試吓嚟講唔錯，但係下次我會叫返正常蝦餃，因為一籠有4粒，而佢淨係得兩粒🙈。
同埋有少少失望🥺，因為佢係話上湯，我本身以為有啲湯浸住隻餃，但係上到嚟隻碟係乾，冇湯浸住。
🍴燒汁牛柳南瓜球 $32 6/10
上到嚟又係勁得意😎，勁打卡able，係連埋個架一齊上。佢個皮南瓜味勁重🎃，煙煙韌韌，佢係有少少似鹹水角，但個皮就變咗南瓜味，同埋軟熟啲、冇咁硬。不過食唔出係牛柳嚟，同埋同牛柳唔係好夾，如果佢個餡甜嘅🍯，例如豆沙餡會好食好多。
都係可一不可再，下次我會直接叫鹹水角，又平啲，同埋多一粒🤑。不過睇返佢個造型同創意，我覺得係物有所值👍🏻。
🍴蘿蔔絲酥 $26 7.5/10
呢個好推薦，如果鍾意食蘿蔔嘅話🥕，個造型又靚、又得意、又好食🤤。食落勁熱辣辣，入邊又有勁多蘿蔔絲，而啲蘿蔔都好鮮甜、同新鮮。我覺得以個價錢嚟講，係above average 💯。
🍴流沙荔枝球 $26 7/10
呢個又係勁得意，得意嘅程度係去到，搭枱嗰個人問我哋呢個係咩😂。完完全全就係荔枝嘅樣，不過入面係冇荔枝味，而係奶黃餡，同埋唔流心🥹。
佢個皮係類似煎堆，但為咗模仿荔枝，痴咗好多一粒粒嘅紅色物體，冇乜味，但係增加咗個口感。所以會比普通食煎堆，口感更豐富😋。
🍴甜品（免費） + 茶介 $6(每位) 8/10
好似因為係新開🎉，所以每枱上最尾個點心嘅時候會送甜品。有曲奇餅🍪，個曲奇牛油味勁香，而上面亦都有啲芝麻，多咗芝麻嘅香味，豐富左曲奇餅嘅味道👅，冇話免費就好求其。同埋有個桂花紅豆糕嘅物體，呢個食落就正正常常。
而茶介勁平，先6蚊，但茶嘅質素唔差。
💰 翻兜指數: 8/10
整體來講，好值得一試，人均都唔使$100。食物質素勁好，又有好多富有特色又新奇嘅點心、又勁打卡able，仲要係五星級點心總廚坐鎮🌟。但下次我應該會試返普通嘅點心，打卡able 試一次就夠。
Post
