朋友帶路今日去咗呢間以camping 為題的cafe。內籠好大，樓底夠高。正中央停放一架露營車，加上其他配置如露營枱、椅，並以大自然為主題的裝修，結合現代化投射螢幕及野外營地feel.
ALL DAY BREAKFAST
好醒神嘅顏色配搭，有酸總麵包沙律菜，牛油果、蕃茄、忌廉芝士和烤南瓜、炒滑蛋。
滑蛋軟綿綿，啱啱好唔會過熟。烤南瓜又香又甜。車厘茄配忌廉芝士最美味。
餐廳另一面有戶外位置，仲可以帶毛孩一齊hea 😄手機落單仲見到有毛孩膳食餐單，照顧周到。
法式香草檸檬牛油蜆配酸種麵包
用鐵鍋盛載，keep 住熱辣辣。好香嘅香草牛油味道。加入檸檬又有清新氣味，蜆肉隻隻肥美，鮮甜嘅精華融入醬汁，味道極鮮！配搭酸種麵包，外脆又帶點煙靭👍🏻👍🏻沾上檸檬香草牛油醬汁更滋味！
叢林的秘密
集合水密桃、鮮檸檬、西柚、藍莓粒、鮮青檸和紅茶，果香和茶味平衡恰到好處，味道清新。
阿婆的秘密
蘋果沙冰底，酸酸地仲加入凍紅茶，感覺好fresh 好提神的特飲～🍹
食材新鮮高質，mocktail 賣相超靚打卡一流。環境好chill ，適合三五知己 hea 住打咔傾計。
