Mamaday (Closed)

好多朋友都話依間正，平日放假冇咁多人嘅時候一於試下！餐廳嘅裝修真係好型格，玩味十足。冬陰功虎蝦扁意粉（$128），酸酸辣辣嘅冬陰功真係好開胃，好濃冬陰功味，偏辣。意粉入味有咬口。虎蝦就幾甜同厚肉。明太子薯條（$45），叫咗個細但份量都幾多，最估唔到嘅係勁多明太子醬，仲額外比多一兜！個醬口感好綿味道又濃郁，薯條都炸得好脆！今日咩心情($48)，其實係是日蛋糕！今次係焙茶蛋糕，賣相吸引，焙茶味幾出，蛋糕唔甜，所以唔會好漏，正！Chocolate latte($48)，又係賣相已經好吸引，容器方面好有心思。飲落係香濃嘅朱古力味！依間真係仲有好多嘢都想試下次一定要再去！