泰玖 (Closed)

大家知唔知道香車街喺邊？ 呢條荃灣嘅小街道自從有一間米線店出現之後就多左人留意， 到今時今日，已經進駐咗好多優質同新派嘅餐廳係附近😎 今日試咗呢一間泰國菜，無論裝修同食物都令人哋煥然一新，餐廳名係 @ , 唔知香車街第時會唔會變咗一個美食集中地呢😋一見到呢間餐廳就俾佢裝修吸引，樓高兩層， 走工業風勁架路線， 睇相就知，裝修真係好有味道㗎😎🌟青檸梳打先黎杯嘢飲先， 飲青檸梳打最正宗梗係配泰國嘅梳打水啦， 呢樣嘢一定唔可以少🫶🏻🌟泰式鮮蝦金柚沙律食材新鮮，分量都唔細喎， 我最鍾意佢嘅醬汁，好開胃🥰🌟泰式乾炒雞肉河粉新鮮熱辣炒嘅河粉配咗雞肉同埋唔同嘅蔬菜， 火候都唔錯， 鍾意食辣嘅朋友記住問店舖攞辣椒粉，好夾㗎🫶🏻🌟泰式香辣肉碎炒飯坊間少有可以選擇辣度嘅泰式香辣肉碎炒飯， 隻蛋煎得好靚同燶邊， 我揀咗大辣，好惹味😋😋🌟泰式青咖哩雜菜青咖哩係我覺得最香嘅咖哩口味， 而且最適合配係蔬菜，包括泰式茄子同埋粟米芯等， 值得一提係佢嘅粟米芯，好粗碌， 清甜爽口👍🌟泰玖金磚蒜蓉包食咖哩配普通蒜蓉包已經過時啦，識食梗係配個金磚蒜蓉包， 你睇下幾邪惡，四面都有蒜蓉牛油， 焗到好香脆，配青咖哩或就咁食都係一絕