太郎居酒屋

Open Now

Now Closed

今日約左一個樂耐無見一個老朋友食晚飯，約左佢黎尖沙咀既太郎居酒屋，貪佢方便，坐得舒服同可以坐耐少少吹下水。餐廳環境裝修美輪美奐，用咗好多日式元素既擺設，成個感覺好舒服。食物方面都幾多選擇，日式居酒屋有既菜式都有，而且仲有佢自己特別既菜式。食居酒屋刺身壽司一定唔少得，吞拿魚好食，食落爽口冇腥味。特別中意佢既帶子手卷，有成3大粒並多，仲有黑松露係上面，正。燒物方便，試咗三款串燒，有雞翼、雞脾菇，火候控制得好，唔會燒到乾爭爭。另外值得推介係佢嘅日式炸雞，每件外皮夠脆卜卜，都好juicy。