Wagyumafia

Open Now

Now Closed

之前睇過YouTube 介紹，見到依家日本料理好特別，老公話好有興趣去試吓，於是就打電話訂位，仲要先付全數，不設退款，價錢並不便宜，不過試吓先啦！用餐當晚，入口處是一道大雪櫃門，然後先來一杯清酒，入到bar 枱，一眾廚師齊聲用日語同你打招呼，相當有氣氛。每道菜式上枱前廚師會在你面前擺出型格post 任你打咭，然後一齊大聲講上菜啦！你準備好未！全部菜式以和牛為主題，食材新鮮矜貴，最好味係黑松露蛋醬和牛及和牛三文治🥪。雖然菜式不多，但已經可以飽餐一頓。高潮係廚師們排隊同大家敬酒，相當有氣氛。最後食客可以同一眾廚師擺post 合照，結束完美的一餐。