Video
Read full review
2021-09-08
125 views
有事做來到虹方呢邊，順便搵下野食，見有間東南亞菜新開，餐牌幾特別就入去試下先。新開張的餐廳，感覺走西式路線。枱上放了香茅茶，飲落好香好好味。點了一份班蘭青咖哩雞配白飯，餐牌上寫住白飯任裝，哈哈，啱哂我呢啲飯桶呀。個咖哩好多料，有泰式茄子、薯仔、紅蘿蔔、洋蔥等，仲有好多件雞，已去骨同煎得香口，雞件咬落嫩滑一啲都唔鞋口，最正係個咖哩汁，有椰香之餘仲有濃濃香料味，味道微辣有層次，撈飯食超好味。附送嘅白飯係珍珠米，軟綿綿又飽滿充滿飯香，上面仲灑左乾蔥碎令個飯更添香氣，飯同咖哩都太好味添左一碗，哈哈。另外點了呢份軟殼蟹三文治，酸菜、牛油果、沙律菜、鹹蛋黃沙律醬，由菜名到賣相都有西式餐廳嘅感覺，所以餐廳名叫料理研究所，果然有別於一般東南亞餐廳。有冇鹹蛋黃fans？呢個醬超正，濃郁鹹蛋黃味但不死鹹，食落亦不油膩，同個三文治好夾。軟殼蟹超香口酥脆，即炸的新鮮熱辣，大量蔬菜食落清新，下層仲放左啲酸蘿蔔，增加口感同味覺，哈哈，睇落細細份原來好飽㗎。午餐唔包餐飲，但可以用優惠價加配，點了兩杯泰式凍奶茶，茶香奶滑唔過甜，好飲又好睇，啱晒打卡添呀。店內雖然係開放式廚房，但無油煙味。型格裝修加上冷氣十足，下午時段
新開張的餐廳，感覺走西式路線。
枱上放了香茅茶，飲落好香好好味。
點了一份班蘭青咖哩雞配白飯，餐牌上寫住白飯任裝，哈哈，啱哂我呢啲飯桶呀。
個咖哩好多料，有泰式茄子、薯仔、紅蘿蔔、洋蔥等，仲有好多件雞，已去骨同煎得香口，雞件咬落嫩滑一啲都唔鞋口，最正係個咖哩汁，有椰香之餘仲有濃濃香料味，味道微辣有層次，撈飯食超好味。
附送嘅白飯係珍珠米，軟綿綿又飽滿充滿飯香，上面仲灑左乾蔥碎令個飯更添香氣，飯同咖哩都太好味添左一碗，哈哈。
另外點了呢份軟殼蟹三文治，酸菜、牛油果、沙律菜、鹹蛋黃沙律醬，由菜名到賣相都有西式餐廳嘅感覺，所以餐廳名叫料理研究所，果然有別於一般東南亞餐廳。
有冇鹹蛋黃fans？呢個醬超正，濃郁鹹蛋黃味但不死鹹，食落亦不油膩，同個三文治好夾。
軟殼蟹超香口酥脆，即炸的新鮮熱辣，大量蔬菜食落清新，下層仲放左啲酸蘿蔔，增加口感同味覺，哈哈，睇落細細份原來好飽㗎。
午餐唔包餐飲，但可以用優惠價加配，點了兩杯泰式凍奶茶，茶香奶滑唔過甜，好飲又好睇，啱晒打卡添呀。
店內雖然係開放式廚房，但無油煙味。型格裝修加上冷氣十足，下午時段不多人，靜靜地食下野傾下偈感覺舒服。
Post
