泰玖 (Closed)

平時去荃灣食野，都有留意到呢間泰國菜，因為外面望落以爲係酒吧，工業風裝修好型！好靚既打卡墻👍🏻第一次坐吧台食泰菜，的確好新鮮吸引！泰式明爐桂花魚（$158）桂花魚好新鮮，肉質嫩滑，吸收湯汁後味道更濃郁，香辣滋味，配料都非常豐富，有好多肉碎同梳菜，都幾抵食！招牌泰式肉碎生菜包（$98）肉碎炒得夠香夠辣，仲有埋我最愛既炸豬皮，包住生菜食口感爽脆惹味，越食越開胃呀！泰式臘腸炒飯（$108）炒飯鬆軟有嚼勁，加埋臘腸本身嘅鹹香味，口感豐富，既有中國炒飯嘅特色，又有泰國嘅風味！泰式奶茶（$38）鮮橙冰茶飲品做緊買一送一優惠，甜度適中，尤其係鮮橙冰茶好好飲，酸酸甜甜好解喝！