花椒子 (Closed)

以太空為主題嘅川菜餐廳，有唔少嘅太空人擺設，霓虹燈仲好搶眼，就試下同傳統川菜有啲咩分別。飄香酸菜鱸魚片（細）鱸魚片好滑，湯底唔會太油太酸，仲有啲粉絲萵筍，魚片份量唔少，整體份量都夠兩個人食。湖南辣椒炒雞雞配上巨量嘅湖南辣椒，見到辣椒有兩款顏色，食落唔會好辣，雞肉都唔少，一邊炒一邊食，愈食愈香。另外加左碟西班牙黑毛豬，用餘下嘅湖南辣椒加黑毛豬繼續炒，仲可以選擇加牛肉。老油條雪糕（一位用）油炸鬼香脆不油膩，仲要暖暖地。加埋雪糕同埋洛神花醬，酸酸地幾開胃。食落都幾驚喜幾夾，一位用份量幾大。草莓沙冰&芒果沙冰有新鮮水果嘅味道，一邊食辣野一邊飲沙冰解辣，必備！