Video
Read full review
2023-05-28
121 views
《曜 - 銅鑼灣》壽司既OMAKASE 都叫做話試過幾次，但割烹既廚師發板就真係未試過啦🤭知道銅鑼灣有間新既日本餐廳用高級食材做私房料理，風格唔似傳統日式做法，廚師會按照時令去安排食材同菜式，除咗咁之外，店員都有提及其實佢哋餐廳有做客人發辦，廚師好歡迎客人喺訂座嘅時候講定想食啲咩，餐廳會因應時令食材再安排，呢一點好貼心☺️由於我朋友就快生日，所以今次揀個好少少既set，要左$1380/人既Omakase，套餐有齊前菜、刺身、煮物、燒烤、凍盤、主食、湯同甜品，由頭慢慢食到尾都幾夠飽😏💁🏻♀️前菜-花膠果凍果凍冰冰涼涼好清爽，入面食到軟糯既花膠，個汁微微帶酸幾開胃，作為前菜感覺都幾好💁🏻♀️時令刺身五點🔹水母🪼平時我地叫水母做海蜇，不過師傅好強調呢個係水母和風刺身，咬落面頭滑滑的但食落爽口，底下配有白海草同特製酸汁，又係一道開胃既菜式🔹網燒北海道帶子經過炭火烤過既帶子味帶焦香，本身已經調過味道，入口炭香味十足，而且口感軟糯👍🏻🔹令和怪物生蠔新鮮既令和怪物生蠔好巨大隻，食落海水味同鐵銹味重，肉質脆口，上面淋有酸汁同蘿蔔蓉，令生蠔食落無咁漏同帶有清新感覺🔹鰤魚師傅將佢形容得好好笑，話鰤魚係油甘魚
壽司既OMAKASE 都叫做話試過幾次，但割烹既廚師發板就真係未試過啦🤭知道銅鑼灣有間新既日本餐廳用高級食材做私房料理，風格唔似傳統日式做法，廚師會按照時令去安排食材同菜式，除咗咁之外，店員都有提及其實佢哋餐廳有做客人發辦，廚師好歡迎客人喺訂座嘅時候講定想食啲咩，餐廳會因應時令食材再安排，呢一點好貼心☺️由於我朋友就快生日，所以今次揀個好少少既set，要左$1380/人既Omakase，套餐有齊前菜、刺身、煮物、燒烤、凍盤、主食、湯同甜品，由頭慢慢食到尾都幾夠飽😏
💁🏻♀️前菜-花膠果凍
果凍冰冰涼涼好清爽，入面食到軟糯既花膠，個汁微微帶酸幾開胃，作為前菜感覺都幾好💁🏻♀️時令刺身五點
🔹水母🪼
平時我地叫水母做海蜇，不過師傅好強調呢個係水母和風刺身，咬落面頭滑滑的但食落爽口，底下配有白海草同特製酸汁，又係一道開胃既菜式🔹網燒北海道帶子
經過炭火烤過既帶子味帶焦香，本身已經調過味道，入口炭香味十足，而且口感軟糯👍🏻🔹令和怪物生蠔
新鮮既令和怪物生蠔好巨大隻，食落海水味同鐵銹味重，肉質脆口，上面淋有酸汁同蘿蔔蓉，令生蠔食落無咁漏同帶有清新感覺🔹鰤魚
師傅將佢形容得好好笑，話鰤魚係油甘魚呀哥😂我一定會永遠都記住呢段親屬關係的🤭 刺身好厚切，用火灸過既野生鰤魚肉味重而且油份高，口感肥美，就咁點豉油已經好好味🔹深海池魚王
最後一件刺身食落口感更肥美而且帶點爽口，入口更重油份，食完個咀重有好香既魚油味
💁🏻♀️野菜煮物-自家製蝦丸
食完刺身，食番個暖笠笠既菜式暖下個胃都幾舒服，自家製蝦丸咬落彈牙，但又唔會死實實咁，上面淋有蟹肉芡汁，幫助清清味蕾之餘仲有提鮮作用💁🏻♀️蟹黃茶碗蒸
呢道菜我真係好喜歡，茶碗蒸入面食到有栗子蓉喺度，之前都真係未試過的，而上面就放有大閘蟹黃油同毛蟹肉絲，令人好想食大閘蟹呀救命🙈不過個蟹油同毛蟹肉又真係幾鮮甜，似蟹粉豆腐，食完仲係有好香蟹油既味道喺口腔徘徊好長時間💁🏻♀️醬燒A6和牛三角肋肉
今次食嘅牛肉來自兵庫縣姫路A5+和牛，BMS達至12，喺香港算係少見嘅最頂級日本和牛肉，佢呢個和牛嘅製法有少少似韓式燒烤嘅做法，用生果將和牛醃好，食落有油花但無咁一般坊間食既肉感咁漏，偏向著重肉味同肉質💁🏻♀️西班牙紅蝦配南非鮑魚
佢呢個紅蝦嘅做法有少少似花雕醉蝦，個蝦頭入邊嘅膏好飽滿而充滿酒味，個湯汁用上龍蝦頭去製作，帶有微辣，將啲蝦膏mix埋龍蝦湯一齊食又辣又有酒味，成件事十分重口味👍🏻個蝦肉都好彈牙，會再想encore 既item之一💁🏻♀️鮑魚毛蟹飯
去到主菜，呢一個鮑魚毛蟹飯好似意大利飯咁有湯汁喺底，食落有黑松露既味道，鮑魚應該事前醃製過，食到有醬油嘅香味，唔知係咪鮑魚同埋黑松露嘅味道相對較突出，變咗蟹嘅味道會淡味咗💁🏻♀️鯛魚湯
飲埋個湯就真係到尾聲喇，呢一餐飯由頭食到落尾可以話飽到上心口，個鯛魚湯奶白色好重魚肉味，味道鹹咗少少，不過飲完個人好舒服☺️成個身暖笠笠
💁🏻♀️甜品-靜崗溫室蜜瓜
最後嘅甜品以水果做結尾，溫室蜜瓜甜度高而且水份充足👍🏻作為甜品真係好舒服同好滿足
Post
