0
0
2
Level1
1
0
垃圾
2011-08-25 636 views
呢間餐廳既野食，環境，服務態度，只能用唐司長名句"完全垃圾"黎形容。首先講食物，我地幾個人叫左三個麵，三個都唔掂。第一個:沙爹牛肉麵，啲牛肉比疏打粉"乸"到入口即溶，完全唔係牛肉，似一舊啡色既麵粉。第二個:車仔麵，只係將啲餸放埋一齊，但都可以好難食，蘿蔔有柞，魚旦有沙，啲麵煮到漿糊咁，個湯同清水一模一樣。第三個:牛腩麵，我地食咗咁多間牛腩麵，從來未食過牛腩會有毛，佢啲毛仲要多到你揀都有排揀，清完碗麵都凍晒。而且三碗麵既共通點係:啲麪煮到漿糊咁，個湯完全無味,同埋真係好難食。之後就係環境喇，好難想像位於香港機場，間餐廳係完全無冷氣，你唔行淨係坐，都會成身大汗。仲熱過出面烈日當空既停機坪。而且又窄，空氣唔流通。你坐多一分鐘都想死。最後係服務:呢間餐廳只啱啲鐘意比人鬧既人去，事關由收銀到個廚，全部都無禮貌。我去買個麵，比錢個收銀，好似我迫佢賺錢咁既樣，找錢個時又就咁dum返比你就算。到個廚，我地食落啲麵完全無味，諗住叫佢比啲沙爹汁，佢就係度發老脾話:我地間野一向無沙爹汁!咁我碗沙牛麵個啲咩黎架?最後係啲清潔阿姐，算係比較正常，只係佢收野速度太快，句把口一邊問:碗野要唔要架?但其實佢已經收咗放
Read full review
呢間餐廳既野食，環境，服務態度，只能用唐司長名句"完全垃圾"黎形容。
首先講食物，我地幾個人叫左三個麵，三個都唔掂。
第一個:沙爹牛肉麵，啲牛肉比疏打粉"乸"到入口即溶，完全唔係牛肉，似一舊啡色既麵粉。
第二個:車仔麵，只係將啲餸放埋一齊，但都可以好難食，蘿蔔有柞，魚旦有沙，啲麵煮到漿糊咁，個湯同清水一模一樣。
第三個:牛腩麵，我地食咗咁多間牛腩麵，從來未食過牛腩會有毛，佢啲毛仲要多到你揀都有排揀，清完碗麵都凍晒。
而且三碗麵既共通點係:啲麪煮到漿糊咁，個湯完全無味,同埋真係好難食。
之後就係環境喇，好難想像位於香港機場，間餐廳係完全無冷氣，你唔行淨係坐，都會成身大汗。仲熱過出面烈日當空既停機坪。而且又窄，空氣唔流通。你坐多一分鐘都想死。
最後係服務:呢間餐廳只啱啲鐘意比人鬧既人去，事關由收銀到個廚，全部都無禮貌。我去買個麵，比錢個收銀，好似我迫佢賺錢咁既樣，找錢個時又就咁dum返比你就算。
到個廚，我地食落啲麵完全無味，諗住叫佢比啲沙爹汁，佢就係度發老脾話:我地間野一向無沙爹汁!咁我碗沙牛麵個啲咩黎架?
最後係啲清潔阿姐，算係比較正常，只係佢收野速度太快，句把口一邊問:碗野要唔要架?但其實佢已經收咗放埋一齊。
總括而言，呢間野真係差到無人有，真係死都唔會再幫襯。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2011-08-21
    Dining Method
    Dine In
    Spending Per Head
    $20 (Lunch)
    Recommended Dishes
    • 清水