Video
Read full review
2018-12-23
537 views
奉勸唔好幫襯！帶位嘅一次帶兩大枱人，放低完一枱影都唔見，咁起返出面等佢啦，等到佢出嚟比低個枱號我就算，叫我自己入去問位置喺邊，咩態度呀？入去鬼影都唔多隻，好難先遇到一個待應，又指咗我去隔離街，跟住又要再問，而家嚟稻香自由行咩？食物就預訂唔上菜，即時嗌嘅餸就即刻上，乳豬拼盤似廚餘拼盤，海星斑唔知經歷過d咩，無味無應有質感，肉質冧之之，仲要少咗忽。甜品係預訂咗嘅，追甜品先嚟話無，仲話自把自爲幫我轉咗壽包蒸緊，兩分鐘到，預訂無貨而家先知咩？ 轉壽包比我一定要食？咁野蠻係咩玩法？樓面人手嚴重不足，好心收得人會費，都比返咁上下服務呀，無個似樣嘅，點做生意？原本以為有個師奶待應醒d啦，點知又係一舊飯。垃圾，垃圾，垃圾。飲茶呢，食物水準係還可以嘅，樓面服務都係人手不足，但比晚上好，而且臉上掛有跪求你體諒等佢一陣咁嘅樣。唉，貼錢買難受嘅做冬飯，做冬忙服務點差我都接受嘅，但貼近無服務，我點接受呢⋯⋯大家千祈唔好去😞
帶位嘅一次帶兩大枱人，
放低完一枱影都唔見，咁起返出面等佢啦，
等到佢出嚟比低個枱號我就算，
叫我自己入去問位置喺邊，咩態度呀？
入去鬼影都唔多隻，好難先遇到一個待應，
又指咗我去隔離街，跟住又要再問，
而家嚟稻香自由行咩？
食物就預訂唔上菜，即時嗌嘅餸就即刻上，
乳豬拼盤似廚餘拼盤，海星斑唔知經歷過d咩，
無味無應有質感，肉質冧之之，仲要少咗忽。
甜品係預訂咗嘅，追甜品先嚟話無，
仲話自把自爲幫我轉咗壽包蒸緊，兩分鐘到，
預訂無貨而家先知咩？ 轉壽包比我一定要食？
咁野蠻係咩玩法？
樓面人手嚴重不足，好心收得人會費，
都比返咁上下服務呀，無個似樣嘅，點做生意？
原本以為有個師奶待應醒d啦，點知又係一舊飯。
垃圾，垃圾，垃圾。
飲茶呢，食物水準係還可以嘅，
樓面服務都係人手不足，但比晚上好，
而且臉上掛有跪求你體諒等佢一陣咁嘅樣。
唉，貼錢買難受嘅做冬飯，
做冬忙服務點差我都接受嘅，
但貼近無服務，我點接受呢⋯⋯
大家千祈唔好去😞
Post
