老惹煮樓 (Closed)

呢間鋪食過兩次，其實食物唔差！但真係比d樓面搞衰晒！今日26/7/2022,9:05am，諗住同朋友食早餐，上到去，嘟好晒d乜乜物物，就行入去搵位坐，無人帶位，好正常啦！普通茶記點會有人帶位！到坐低左有侍應擺低兩杯水！好好喎，咁睇食乜啦！忽然間有個執緊枱既綠色衫既人，戴住口罩都唔知係男定女，一開口就話，等陣多人你哋就要坐埋一邊架喇！呢張4人枱嚟架！我都o晒咀！佢就大大聲咁嗌，邊個比我哋係到坐！我就話！你又無人係出面帶位，你又得呢張枱同兩張大圓枱！你想我點坐？然後佢就繼續自顧自咁推住車碗碟行去廚房，個陣我哋其實同個樓面落緊order！我同個樓面講，佢乜事？個樓面淨係答我，佢第一日返工，要投訴就搵第個ಠ_ಠ跟住我同朋友都同個樓面講，對你唔住要你罰抄！跟住起身行！真係大熱天時已經興合合！仲要咁比人挮！真係佛都有火！想受氣既就嚟呢度啦！呢到實滿足到你！