金百皇餐廳

是日來到北角覓食，茶記選擇未算太多
但在其中選了這家乾淨企理的餐廳

進入門內感覺光猛，整齊清潔

進內後單坐一邊卡位，舒服得很😌
之後坐下來不經不覺就一小時有多，實在有少少誇張，今日餐廳內感覺不是太多人，但顧客總算是源源不絕般進進出出，生意算是不錯呢！

這裡午市套餐最緊要有選擇，價錢合理，仲有湯或者飲品揀，叫做不同類型都有啲，人生最緊要有得揀！

最後揀左豉汁蒸鯇魚飯，夠味道，魚質也很鮮滑！讚！

湯幾乎沒有味精，是日雞腳仲好好味添！鮮甜湯頭使人暖在心頭......
總結會再幫襯的！🎈🤤