揀得啱車仔麵 (Closed)

有時唔一定要食高級餐廳，貴價野先開心，有時簡簡單單，同家人朋友食碗麵，一樣好開心。Friday night我們一家三口約左妹妹，去上環食車仔麵。平時食車仔麵食得好逼，坐得好辛苦。但呢度就夠曬空間感，坐得舒舒服服，環境唔錯。一人點一碗自選車仔麵，再叫些小食分享。我覺得麻辣鴨血同麻辣木耳絲好出色，麻辣味好惹味，有四川風味。油菜好新鮮，夠曬霖甜。我點了滷水汁米粉，豬大腸，蘿蔔，金菇，水餃等，略嫌滷水味不夠出，不過配濃味的麻辣小食還不錯。女女都好岩食，有她中意的烏冬，粟米，紅腸，豬軟骨同瑞士雞翼，大滿足。妹妹的水煮魚也不錯，不過對我黎講有點辣。今餐大家都吃得飽飽真好。