揀得啱車仔麵 (Closed)

🍜三餸麵餐配熱飲 $55 (追加一餸 +$12).我同朋友都揀左呢到招牌嘅「205辣醬」🌶個湯頭食落同望落都冇咩特別。而個辣醬係分開另上嘅，沾左少少直接試味真係好辣啊！撈落個湯到食夠晒香辣惹味👌🏻.同行友人揀左陳皮魚蛋，瑞士汁滑雞翼，醬燒豬軟骨，頂級火腿。雞翼好大隻，肥嘟嘟好飽滿而且肉質爽滑👍🏻另外豬軟骨整得好入味！.我自己就揀左豬紅，蘿蔔，脆皮芝士腸，黑松露雞肉水餃。好多地方嘅豬紅都整得好差，呢到算唔錯啵！蘿蔔大大舊，冇渣又清甜👍🏻另外得一讚係個水餃，一咬開就食到明顯嘅黑松露香，做得到皮薄餡靚😆.呢度最好係座位寬闊，燈光冷氣充足，好難搵到車仔麵鋪頭可以坐得舒舒服服咁慢慢食.