百樂小館 (Closed)

咁耐冇同同學仔見面，梗要搵個舒服地方聚下舊。其中一個介紹哩度，貪佢地點方便，可以慢慢歎住中菜，再等埋其他人到。我都認同呢度地方闊落得黎又坐得舒服。裝修時尚精美， 價錢又唔算貴喎，難怪都幾多人黎哩度食。滷水鵝肉拼盤鵝片滷得入味， 滑嫩唔會鞋口。併盤仲有魷魚片，鹵水豆腐。 最啱我哋三五知己，圍埋一齊吹水等食。潮式蘿蔔灌漿第一次食哩款潮式小食，外層包咗薄薄一層炸粉，內裏係滿滿的蘿蔔絲。雖然係炸，但唔會滿口油，味道清新。屬手工菜，好多工序先整到，係哩度招牌菜。金絲玉帶九肚魚烙外圍脆到有點似煎蠔餅，有好香的蛋味。中間係軟軟的九肚魚烙， 唔腥，又無骨， 有點似食蚵仔煎，啖啖魚肉，好正。時令燉靚湯足料燉湯，有花膠， 瘦肉，螺片等。 燉左咁多個鐘，味道自然好濃郁，飲完好正氣。正麻醬手撕雞半隻手撕雞再配我最愛嘅麻醬， 食到要轉圈圈了，好開心!粉絲雜菜煲食咗咁多肉，食番多啲菜中和下。呢個粉絲煲， 粉絲好入味，又多菜。正!最後食埋糖水，大滿足!