Isana Kushiro

一段時間無黎青衣城行街，發現有間日本屋酒屋新開，就入去試下先😁

青衣城每間餐廳都幾大下，所以坐得幾舒服😌。
有吧台可以睇到師傅即場切刺身壽司！

松葉蟹肉野菜沙律

$82

好多松葉蟹肉呀！
最愛芝麻醬沙律，夠多醬，又好多蟹肉，好好食！

鹽燒牛舌(2串)

$72

呢個燒到岩岩好，正到不得了，牛舌上既鹽灑得好平均，明顯係落足心機去燒！
店員仲好好，提醒我地串燒要襯熱食，估唔到店員個樣好cool，無乜笑容咁，但好細心！☺️

燒活鰻魚(2串)

$64

呢個鰻魚好厚身，燒到熱辣辣，完全無骨，勁好食！😍

大葱雞肉串(2串)

$36

以為呢個會好hea，點知無期望，反而越有驚喜，雞肉好嫩滑，大葱好爽口！

唐楊雞軟骨粒

$42

我發現”炸。雞。軟。骨。粒”呢5個字都幾難讀🤣🤣🤣！
呢個我又唔覺太多炸粉，雞軟骨都幾大粒，沾沙律醬食唔油膩！

日本直送刺身

試左當日由日本坐✈️黎既魚，葉上個款叫”鐵𩶘”，我就未聽過未見過未食過，聽店員講，每日飛機到港既魚都唔同，所以餐版不能盡錄。
鐵𩶘口感唔同三文魚油甘魚，佢係爽口既口感，都幾好食，我本身一般吞拿魚油甘魚既口感，但我鍾意呢款魚！
海膽都好鮮甜，無怪味！

金菇牛肉卷

$48

睇個樣覺到好普通，但食落知道佢唔係用cheap cheap肥牛，唔太多肥膏，好濃牛肉味！

七味燒日本魷魚筒

$85

呢個燒魷魚不過不知，無乜特別。

我地仲叫左幾件壽司，感覺都係普普通通，黎到居酒屋，我都係喜歡叫串燒剌身個d！

我地傾左成晚計，店員都不停幫我地加水，服務態度幾好😁！