富東閣海鮮酒家 (Closed)

老一輩好鐘意食酒樓，年輕人反而鐘意食d大排檔嘢，其實價錢差唔多，有冷氣舒舒服服食下酒樓都係好貼地食法。網上見人推介呢間，收工就同朋友黎食。附近巴士通大埔，西九龍，交通好方便。6點幾已經見到唔少年青一代入店開餐。酒樓特色就係好多特惠套餐，朋友喜歡小菜多款，唔喜歡食魚所以叫了呢個四送一小菜套餐。平均70零蚊碟，好抵食咕嚕肉，肉質鮮嫩，甜酸汁都好惹味，青椒都好新鮮呢個牛柳粒薯仔煎得表皮香脆，索到蜂蜜汁，送飯一流。牛柳火候控制得唔係全熟，保留口感同肉質椒鹽豆腐外脆內軟係基本，呢個符合水準南乳藕片炒豬頸肉，肉同蓮藕都爽口，南乳汁均勻，鹹鹹地送酒一流最後呢個香芋南瓜煲，個汁淆曬d材料嘅味道出黎，而且香香甜甜，唔鹹，撈飯超正，就咁飲都仲得叫多幾個白飯同半打藍妹都係600蚊有找，比大牌檔抵食舒服好多。