LOST STARS LIVEHOUSE BAR & EATERY (Moved) New Location

炎炎夏日好似已經嚟到，行出街冇幾耐即刻汗疊汗!依一日同朋友嚟到大角咀呢間餐廳，面積大，高樓底，裝修好有心思，坐低食嘢非常舒服，我仲叫咗杯Earl Grey玫瑰花特飲解下渴消下暑。呢間餐廳本來係主打有現場樂隊演奏嘅，但係呢一排疫情就停咗，雖然有啲可惜，但餐廳都有播返啲抒情嘅流行曲音樂，氣氛都幾浪漫嘅。我覺得呢度好適合一大班人嚟聚餐，或者係慶祝吓生日或者節日。我哋叫咗一人一個lunch set，價錢有幾抵喎， $100鬆啲，有埋嘢飲。