天府川菜

Open Now

Now Closed

一個人行開天后，就去天后條食街，揾嘢食，又想食少少辣嘢，見到呢間川菜夠晒光猛，環境都乾淨，又有卡位，當然入去試吓，干鍋花椰菜我揀咗小辣，都已經夠曬惹味，椰菜花入面，仲有啲鹹肉片。如果你想椰菜花淋D，仲可以有火爐幫你補温，椰菜花越煮越淋，食到尾聲椰菜花仲係暖笠笠。黃金炸饅頭本來想食飯，但見到邊度有炸饅頭，忍唔住要食，饅頭係新鮮炸出嚟，食得出唔係返炸。啱啱炸起啲饅頭，個皮到脆卜卜入邊有暖笠笠，點下煉奶，美味！動感檸檬食辣嘢，當然要杯凍飲，新鮮檸檬仔加埋啲檸檬汁，味道清新，夠晒醒胃，解渴一流。