Video
Read full review
2021-05-27
886 views
約咗兩個friend去食飯，今餐真係食得超開心，非常鍾意呢一間日式居酒屋風味嘅餐廳，喺尖沙咀食都可以坐成晚冇俾人趕走。濃厚芫荽鍋$268揀呢一間特登就係為咗食呢一個鍋，我哋三個都幾鍾意食芫荽，但係又唔想成餐飯都係芫荽，叫一個鍋就啱啱好，一上枱就見到成個鍋都係綠色，仲飄黎濃濃嘅芫荽香味，真係聞到都覺得好清熱，呢個鍋仲配左雞同埋豆腐椰菜，完整一個打邊爐需要嘅配料，好抵食，我哋仲加咗一個$28一份嘅到庭烏冬，個烏冬好彈牙，吸晒芫荽嘅精華。雜錦魚生角切飯$118啲魚生都幾多，鋪滿成個飯面，有油甘魚三文魚吞拿魚等等，分量來講算幾抵食。池魚唐揚$38呢個價錢有咁多池魚真係好抵，而且啲池魚食落好香甜，炸得又乾脆，送酒真係一流，周年食個頭都唔覺得有嗰種甘甘地苦苦地嘅味，唔係怕熱氣我應該會叫多一點。原條燒茄子$48上面加咗嘅木魚絲仲多過條茄子，睇住啲木魚絲縮下縮下好得意，茄子笑得好軟熟，配埋木魚絲食好夠味道。芝麻雞翼$38芝麻雞翼做得非常之香脆，但係裏面仲好多肉汁，裏面啲雞肉非常之嫩滑，呢一度做得好出色，裏面啲肉完全冇乾柴嘅感覺。軟殼蟹天婦羅$68分量足一隻，非常之抵食，軟殼蟹炸完出嚟翠脆卜卜，裏面嘅蟹
約咗兩個friend去食飯，今餐真係食得超開心，非常鍾意呢一間日式居酒屋風味嘅餐廳，喺尖沙咀食都可以坐成晚冇俾人趕走。
濃厚芫荽鍋$268
揀呢一間特登就係為咗食呢一個鍋，我哋三個都幾鍾意食芫荽，但係又唔想成餐飯都係芫荽，叫一個鍋就啱啱好，一上枱就見到成個鍋都係綠色，仲飄黎濃濃嘅芫荽香味，真係聞到都覺得好清熱，呢個鍋仲配左雞同埋豆腐椰菜，完整一個打邊爐需要嘅配料，好抵食，我哋仲加咗一個$28一份嘅到庭烏冬，個烏冬好彈牙，吸晒芫荽嘅精華。
雜錦魚生角切飯$118
啲魚生都幾多，鋪滿成個飯面，有油甘魚三文魚吞拿魚等等，分量來講算幾抵食。
池魚唐揚$38
呢個價錢有咁多池魚真係好抵，而且啲池魚食落好香甜，炸得又乾脆，送酒真係一流，周年食個頭都唔覺得有嗰種甘甘地苦苦地嘅味，唔係怕熱氣我應該會叫多一點。
原條燒茄子$48
上面加咗嘅木魚絲仲多過條茄子，睇住啲木魚絲縮下縮下好得意，茄子笑得好軟熟，配埋木魚絲食好夠味道。
芝麻雞翼$38
芝麻雞翼做得非常之香脆，但係裏面仲好多肉汁，裏面啲雞肉非常之嫩滑，呢一度做得好出色，裏面啲肉完全冇乾柴嘅感覺。
軟殼蟹天婦羅$68
分量足一隻，非常之抵食，軟殼蟹炸完出嚟翠脆卜卜，裏面嘅蟹肉啖啖肉。
明太子醬免治雞肉棒$28
我平時唔係太鍾意食勉之雞肉棒，因為覺得乜嘢都搞爛晒冇乜口感，但係呢度嘅免治雞肉棒我仲食得出裏面有雞軟骨喺度，真係用人手切唔係用機去搞爛晒全部野，值得一讚。
味增廣島蠔鍋$88
個鍋裏面都有唔少蠔，冇偷工減料，而且個湯好好味，如果叫碗飯攞嚟做泡飯一定好好食，我哋都留起咗少少到庭烏冬去送呢一個鍋。
野菜天婦羅$58
都係份量多抵食自選，有好幾種野菜，番薯茄子南瓜，炸皮夠薄，一啲都唔heavy。
燒日本紅豆年糕$38
年糕勁外皮燒到有少少趣眼眼地，但係裏面就好遠好chewy，再配左啲紅豆甜甜地幾好食。
Post
