平民扒房@友蠔食 (Moved) New Location

近年黎鐵板牛真係開到成行成市，梗有一間係左近，今次就係旺角左近，一間好有香港特色既平民扒房，一改左日式鐵板既風格，換上老香港茶記既格局。入去先知，呢d先係香港人平時去茶記既感覺座位舒適度黎講，就一定比起果d連鎖既日式鐵扒牛好好多，唔會逼住逼住咁食，而且裝修又一流，岩曬同情人/朋友黎慢慢一路傾計一路食。鐵扒設計方面，餐廳都幾細心，突登一塊凍既一塊熱既，咁就唔驚大熟喇。我諗老板預左大家慢慢嘆，而唔係快餐咁食，所以先有咁既安排。牛肉食落都唔錯，本身無落到任何調味/極淡既調味喇，所以主要都係靠大家自己判斷自己鐘意既調味喇。直得一讚既係，佢有我地香港舊時食鐵扒有既蒜茸，真係好掂，日式食法唔會食到既味道。最後，支持本土香港，香港人加油。