Video
Read full review
2018-11-12
2952 views
歷史以來坐得最舒服嘅日式放題一定係今次黎既神輿日式料理，一入到去，門口已經有好大個位放左啲裝清酒嘅酲，成個裝修好霸氣，所有枱同隔離嗰張都夾得好開，一啲都冇壓迫嘅感覺。平時識開日式放題，嘢食都要等一輪先嚟，所以我哋急不及待就寫咗好多張單上去，點知呢度啲嘢食上得超級快，好快我哋張枱就擺到冇晒位（我哋係四個人坐六個人枱），幾乎一比單佢，等左5分鐘啲嘢食就黎，速度方面我相當滿意。第一樣一定係叫刺身先啦，選擇都幾多，最鍾意係三文魚同埋油甘魚，真係有魚嘅鮮味，唔似係平時放題食到嘅低價質素，有魚油香而且食落仲好新鮮，另外仲有帆立貝象拔蚌帶子等等比較常見嘅刺身款式。壽司方面比較少見嘅左口魚都有，而且火炙三文魚都有兩種，有芝士同埋冇芝士嘅版本，火炙三文魚嘅魚油滲左落啲飯到，非常好食，而且仲有更加少見嘅火炙和牛壽司，啲牛真係入口即溶㗎，唔使醬油都好夠味道。手卷方面我哋就叫咗軟殼蟹同埋葱吞拿魚腩，要特別講下嘅係個吞拿魚腩，通常出邊食到嘅手卷都係面頭有一浸，下面就冇，但係呢度一路食到尾都仲食到有吞拿魚魚腩蓉，好足料一啲都唔馬虎。牛肉壽喜燒，夠甜又多菜，仲有冬菇呢啲比較少見到係鍋出現嘅配料。串燒都有好多得簡，花
平時識開日式放題，嘢食都要等一輪先嚟，所以我哋急不及待就寫咗好多張單上去，點知呢度啲嘢食上得超級快，好快我哋張枱就擺到冇晒位（我哋係四個人坐六個人枱），幾乎一比單佢，等左5分鐘啲嘢食就黎，速度方面我相當滿意。
第一樣一定係叫刺身先啦，選擇都幾多，最鍾意係三文魚同埋油甘魚，真係有魚嘅鮮味，唔似係平時放題食到嘅低價質素，有魚油香而且食落仲好新鮮，另外仲有帆立貝象拔蚌帶子等等比較常見嘅刺身款式。
壽司方面比較少見嘅左口魚都有，而且火炙三文魚都有兩種，有芝士同埋冇芝士嘅版本，火炙三文魚嘅魚油滲左落啲飯到，非常好食，而且仲有更加少見嘅火炙和牛壽司，啲牛真係入口即溶㗎，唔使醬油都好夠味道。
手卷方面我哋就叫咗軟殼蟹同埋葱吞拿魚腩，要特別講下嘅係個吞拿魚腩，通常出邊食到嘅手卷都係面頭有一浸，下面就冇，但係呢度一路食到尾都仲食到有吞拿魚魚腩蓉，好足料一啲都唔馬虎。
牛肉壽喜燒，夠甜又多菜，仲有冬菇呢啲比較少見到係鍋出現嘅配料。
串燒都有好多得簡，花枝丸，番薯仔呢啲一定要有，另外仲有一口和牛粒，一粒和牛配上一粒車厘茄，車厘茄嘅酸味可以中和左和牛嘅肥膩感，成個配搭好match，唔會因為係放題食物質素就將貨就價。
炸物方面我就鍾意天婦羅同埋芝麻雞翼，佢嘅雞翼係連埋雞翼尖嘅，炸得好香脆，但係裏面有好嫩滑。另外仲有好少食到嘅炸榴槤，其實同枱得一位朋友食到榴槤，佢話超級好食，啲榴槤炸完之後熱辣辣流出嚟，隔開幾丈遠都聞到浸榴槤味。
芝士焗蠔焗帶子焗大蝦，三樣都好好食，芝士醬唔會太酸，真係用比較多嘅芝士而唔係加咗好多忌廉去焗，呢個幾欣賞。四個人食咗$1000左右，每人都係250 ，坐得又舒服，食足兩個鐘，好抵食。
Post
