滿記甜品 (朗豪坊)

Open Now

Now Closed

十世冇食滿記甜品，食完晚餐之後唔多滿足，黎左朗豪坊呢間分店食糖水。甜品有凍有熱，除左傳統中式糖水，都仲有其他野揀，選擇唔少。今次兩個人揀左四個糖水分享。芝麻糊紅豆沙湯丸 $45芝麻糊紅豆沙湯丸可揀凍或者熱，我哋揀左凍。老實講熱一定好食啲，不過凍嘅都唔差，味道夠濃質感都滑又唔太浠。但係個人覺得芝麻糊溝紅豆沙唔係幾好。湯丸3粒，有黑芝麻或手工花生湯丸揀。雖然細細粒，不過芝麻湯丸個心暖笠笠，係流心嘅。餐牌張相明明有蓮子，但係實物係冇嘅。 真係俾餐牌嘅賣相扼左，實物差太遠。杏仁蛋白 $46杏仁蛋白只可以揀熱，真係超熱，熱到入心。杏仁茶都唔假，味道唔差。蛋白都有足一隻，好滑。榴槤白雪凉粉 $57食完中式糖水把嘴好熱，想叫個凍甜品，叫左榴槤白雪凉粉。白雪原來係碎冰，整得夠碎，配雲呢拿汁底好味道，唔過甜。榴槤蓉好滑又香，食落有啲似雪糕。凉粉都好爽口又冇怪味。整體感覺清新但係又有榴槤香，呢個配搭唔錯。食品質素係合格嘅，不過冇驚奇。叫左我哋坐角落二人位，座位超窄，坐得勁唔舒服，服務態度麻麻不過上野快。收咁嘅價錢，我下次未必會再黎，大把野好食過佢。喊面主要係比座位同價錢。