Running 燒 (Closed)

旺角726 不嬲都多野食，今日黎左Running 燒度食任食韓燒，好彩一早訂左位，上到去巳人頭湧湧，如果無訂位就有排等lu。出面真係好熱，所以未坐定我先拎野飲，款式選擇都多，汽水、韓式飲品、玉泉都有連最新出果隻蜜桃有氣水都有，估唔到夜晚食韓燒都幾多海鮮揀，有生蠔(原味/蒜蓉芝士)、扇貝、帶子、大蝦、魷魚、鯖魚同多春魚等等。肉食就豬牛雞廿幾款，特別d 既有羊西冷，熟既小食都好多款揀，炸雞、炸魷魚鬚、炸餃子、炒年糕、仲有水冷麵同阿珠媽靚湯等，未叫野食侍應巳放底幾碟前菜仲提醒舊生蘿蔔唔好拎黎食，係用黎清燒盤的焦用的，好環保，唔使成日換盤。食物陸續上桌，我前後食左四round, 出菜都好快，肉類唔錯，醃得夠入味又多款式，而我最愛都係海鮮，帶子肉厚，生蠔配芝士惹味，值得一再encore，食飽飽埋單，仲有西米露糖水或韓國雪條送，因為頭先食佢地整既炸雞、炸魷魚都食到熱騰騰，所以揀左個凍既西米露降降溫，唔太甜，啱哂我，而且當中係用大西米煲所以好有咬口。