初見 (Closed)

係朗豪坊附近，地點方便。Menu選擇都幾多元化，有意粉、漢堡、鍋物…係日式cafe style。🔸初見香草吉列牛 $138選用USDA Prine牛肉，屬美國最高級別，只有全美國最top 既2%牛先可以冠此級別。會配上牛油，先烘熱鐵板底，冇咁易燶，牛肉放上幾秒就轉色，翻轉煎多幾秒就食得。香草個四邊係唔使煎，本身已經脆脆地。牛味都重，油脂分佈疏而細，所以即使係吉列，食多幾件都唔覺油膩。另配白飯同溏心蛋，溏心蛋鹹鹹地，送飯幾好。🔸邪惡炸薯條 $58份量都幾多，厚切薯條即叫即炸，趁熱食，咬開好似流心咁，好薯蓉，一下唔小心就辣親條脷，但又停唔到口，好邪惡。面頭佈滿鹹蛋黃碎，但一定要趁熱食，唔係會有啲啲膩。