掂檔車仔麵 (Closed)

今日同朋友去開尖沙咀，聽佢講新開有間車仔麵，見有少少肚餓就入左去試吓！睇點餐紙都有幾多選擇，如果唔食車仔麵都可以選擇食飯~每款車仔麵都可以包一杯飲品，但特別飲品就需要加錢！後來我哋叫咗熱檸水同Zero~另外叫咗個小食係炸土匪雞翼，熱辣辣即炸！咬落好脆口，雞翼好入味，有少少辣嘅感覺！朋友叫咗四餸一麵，有豬潤、肥牛、鳳瓜、豬紅、幼麵配清湯湯底！豬潤肥牛煮得剛剛好無過火，特別係豬潤幾爽口，鳳爪好淋好入味，豬紅都好入味配以幼麵滑滑嘅口感！下次可以試埋個粗麵！而我都係叫咗四餸一麵，同樣有豬紅同豬潤，另外仲有蠔油冬菇、墨魚丸、油麵配秘製嗱喳汁！有少少辣，味道唔錯！墨魚丸大粒又彈牙，冬菇亦炆得好入味！整體嚟講不錯！地點亦好方便！正正喺彌敦道！下次經過都可以試其他！